روسیې په مسکو کې د یو خونړي برید د مخنیوی نه خبر ورکړی دی
د روسیې د فدرالي امنیت ادارې خبر ورکړی چې په پلازمینه مسکو کې یې پر یوې کنیسه د ترهګریز برید مخه نیولې ده.
د روسیې د فدرالي امنیت ادارې خبر ورکړی چې په پلازمینه مسکو کې یې پر یوې کنیسه د ترهګریز برید مخه نیولې ده.
د روسیې د فدرالي امنیت ادارې رسنیو دفتر لخوا په خپره شوې اعلامیه کې راغلي" د روسیې د فدرالي امنیت ادارې د یهودانو په یو عبادت ځای کنیسه د برید مخنیوی کړی دی. ددې پيښې په تړاو د منځنۍ آسیا هیوادونو یوه تبعه نیول شوی دی. نیول شوی کس ۲۲ کاله عمر لري او په مسکو کې په کنیسه د برید پلان جوړ کړی وو.
په بیان کې ویل شوي چې نیول شوي کس چې د بم لپاره يي مواد هم ترلاسه کړي وو او د کنیسه په شاوخوا کې کشفي فعالیتونه هم ترسره کړي وو. امنیتي ځواکونو د ترهګرو د نیولو په موخه عملیات ترسره کړل. "ترهګر د اپریل په ۱۰ د نیول کیدو پر مهال پر امنیتي ځواکونو ډزې هم کړي دي چې وروسته د امنیتي ځواکونو لخوا له خپو وغورځول شو."
د ویلو ده چې د مارچ په ۲۲ مه نيټه د روسیې په پلازمینه مسکو کې د "کروکس سټي هال" کنسرټ تالار باندې خونړی برید وشو چې له امله يي په لسګونو تنو ژوند د لاسه ورکړ او په لسګونو تنه نور ټپيان شول.
په ټولنیزو رسنیو کې په خپرو شوو ویدیوګانو کې ښکاریده چې برید کوونکو په تالار کې هر لوري ته ډزې کولې .
د دغه ترهګریز برید په تړاو تر اوسه ۱۱ کسان نیول شوي . پدې پیښه کې ۱۴۴ تنو ژوند د لاسه ورکړی وو.
اړوند خبرونه
په هالنډ کې د اسلام په اړه د خلکو لیوالتیا ډیره شوې
په هالنډ کې په زرګونو تنو د هالنډي ترجمې سره قرانکریم وویشل شول