د امریکا متحده ایالتونو ولسمشر جوبایډن سبا اسرائیل ته سفر کوي.

د امریکا متحده ایالتونو ولسمشر جوبایډن سبا اسرائیل ته سفر کوي.

د امریکا د بهرنیو چارو وزیر انتوني بلینکن په تل ابیب کې د یوې خبري غونډې په ترڅ کې اعلان وکړ چې بایډن به د چهارشنبې په ورځ (سبا) اسرائیل ته سفر وکړي.

بلینکن په دې خبرې سره چې بایډن به په یوه حساس وخت کې دغه هیواد ته ولاړ شي، وویل چې امریکا به د حماس د بریدونو په وړاندې له اسرائیلو سره د پیوستون پیغام ورکړي.

بلینکن یادونه وکړه چې بایډن به په اسرائیل کې هغه دریم ګړو لوبغاړو په ښکاره توګه دغه پيغام ورکړي‌ چې د اوسني‌ بحران نه په استفادې سره پر اسرائیلو د برید هڅه ونکړي.

بلنکن د دې په بیانولو سره چې بایډن به د حماس لخوا د یرغمل شویو بندیانو د خلاصون لپاره د اسرائیلو سره هم نږدې او همغږی دی . بلینکن وویل چې د امریکا ولسمشر به د خپل سفر په چوکاټ کې د اسرائیلو د جګړې اهدافو او ستراتیژۍ په اړه هراړخیز معلومات هم ترلاسه کړي.

انتوني بلینکن وویل چې جو بایډن به له اسرائیلو څخه معلومات ترلاسه کړي چې څنګه د ملکي تلفاتو د کمولو له لارې خپل عملیات ترسره کړي او څنګه په غزه کې ملکي خلکو ته د بشري مرستو جریان ډاډمن کړي

.بلینکن اعلان وکړ چې متحده ایالتونو او اسرائیلو موافقه کړې چې د مرستندویه هیوادونو او نړیوالو سازمانونو لخوا د غزې ملکي خلکو ته د بشري مرستو رسیدو لپاره یو پلان جوړ کړي، په شمول د  خوندي‌ زونونو رامینځته کولو .

د بهرنیو چارو وزیر بلینکن وویل ، دا مهمه ده چې ژر تر ژره غزې ته د مرستو رسول پیل شي.

د امریکا ولسمشر جوبایډن به اسرائیلو ته له خپل سفر وروسته اردن ته ولاړ شي او هلته به له پاچا  دویم عبدالله ، د مصر له ولسمشر عبدالفتاح السیسي او د فلسطین له ولسمشر محمود عباس سره وګوري.