امریکا د کرونا ویروس له امله لګولي سیاحتي بندیزونه ټول ختم کړل

امریکا د کاناډا او مکسیکو پر مخ هم خپلې مځکنې پولې پرانیستې.

امریکا متحده ایالتونو د ټولو هغه مساپرو پر مخ چې د کرونا ویروس دوه ډوزه واکسین يي کړی وي ټول بندیزونه لرې کړل. د ویلو ده چې دا بندیزونه د امریکا د پخواني ولسمشر ډونلد ټرمپ په دوره کې لګول شوي  وو.

د کرونا ویروس په اړه د امریکا د نوي طرز العمل له مخې هر هغه څوک چې امریکا ته سفر کوي  دې هیواد ته د ننوتو پر مهال باید د کرونا ویروس د واکسین کار په لاس کې ولري. ددې سربیره د مساپرو نه د کرونا ویروس منفي ټسټ چې د ۷۲ ساعتونو نه پرې ډیر وخت نوي  تیر شوی غوښتل کیږي.

همداشان د مکسیکو او کاناډا نه د مځکنیو سرحدونو له لارې امریکا ته د سفر کوونکو مساپرو نه بیا یواځې د کرونا ویروس د واکسین کارټ یا مدرک غوښتل کیږي.

د امریکا د هوانوردۍ مسئولینو ویلي دي چې ددې بندیز د لرې کیدو سره سم تمه کیږي چې په ځانګړې توګه د اروپا نه امریکا ته الوتنې ډیرې زیاتې شي.

همداشان د تیر کال په پرتله د امریکا او انګلستان ترمنځه الوتکو رقم ۲۱ سلنه لوړ شوی دی.

همداشان د کاناډا او مکسیکو نه به هم ډیر زیات خلک امریکا ته سفر وکړي.

همداشان د نوي طرز العمل له مخې هغه کسان د کرونا ویروس واکسین کولو قانوني مدرک یا کارت ونلري او امریکا ته د ننوتو هڅه وکړي  د سترې نقدي جزا سره به مخ شي. ویل کیږي تر ۳۵ زره امریکايي ډالرو پورې جزا ټاکل شوې ده .