په امریکا کې مظاهرې له سره پیل شوې
په امریکا کې د پولیسو لخوا د یو بل تورپوستي د وژلو له امله یو ځل بیا مظاهرې پیل شوي دي.
دا ځل د امریکا د اتلانتا په ښار کې پولیس یو تور پوستی په ډزو وواژه چې یو ځل بیا يي مظاهرو ته لار پرانیسته. مظاهره کوونکو د اتلانتا په ښار کې د توکمیز تبعیض او پولیسو پر خلاف مظاهرې پیل کړي او مظاهرې په تاوتریخوالي بدلې شوي دي.
مظاهره کوونکو په ښار هغه رستورانت چې د پولیسو لخوا پکې تور پوستی په ډزو وژل شوی دی وسوځول شو.
ویل کیږي د جورجیا د ایالت په مرکز اتلانتا ښار کې یو تن تورپوستي پولیس ته د الکتروشوک تبانچې د اوږدولو سره د پولیسو لخوا په ډزو ووژل شو.
ددې پيښې نه وروسته په سلګونو تنه لارو او سړکانو ته راووتل او په مظاهرو يي لاس پورې کړ.
د پيښې نه وروسته د اتلانتا د ښار د پولیسو مشر له خپلې دندې استعفا وکړه خو بیا هم مظاهرو دوام وکړ.
په امریکا کې پداسې حال کې د پولیسو لخوا یو تن بل تور پوستی وژل کیږي چې مې په ۲۵ مه نیټه د جورج فلویډ په نامه د تورپوستي د وژل کیدو نه وروسته په ټول هیواد کې پراخه مظاهرې پیل شوې چې څه باندې دوه اونۍ يي دوام وکړ. همداشان د امریکا مظاهرې د نړۍ یو زیات شمیر نورو هیوادونو ته هم وغځیدلې دي.
اړوند خبرونه
په هالنډ کې د اسلام په اړه د خلکو لیوالتیا ډیره شوې
په هالنډ کې په زرګونو تنو د هالنډي ترجمې سره قرانکریم وویشل شول
چین په بیجینګ کې د المان سفیر بهرنیو چارو وزارت ته احضار کړ
چین په بیجینګ کې د جرمني سفیر پاتریشیا فلور د بهرنیو چارو وزارت ته احضار کړ.