د روسیې  یوې بلې الوتکې  سقوط وکړ.

د روسیې  د دفاع وزارت ویلي دي چې  ددوې  یوه میګ ۳۱ ډوله جنګي الوتکه د تخنیکي ستونزې له امله  سقوط کړی دی.

د روسیې د دفاع وزارت ویلي دي چې  پدې پیښه کې  د الوتکې دواړو پیلوټانو ځانونه په پراشوټ کې ګوزار کړي او دواړه ژوندي ژغورل شوي دي.

الوتکه  د روسیې د نیژني نووګورود په سیمه کې غورځیدلې ده .

ویل کیږي  الوتکې  د هوايي هډې نه  د الوتنې نه  لنډه موده وروسته  سقوط وکړ. ویل کیږي الوتکې د سقوط نه مخکې  اور اخیستی وو.

ویل کیږي الوتکه په یوې تشه سیمه کې غورځیدلې او چاته ځاني او مالي زیان ندی اړولی.

د روسېې د دفاع وزارت ویلي دي چې  الوتکې د تخنیکي ستونزې له امله  سقوط کړی. د پيښې په اړه تحقیقات پیل شوي دي. تحقیقاتي ډله سیمې ته رسیدلې ده .

ویل کیږي  الوتکه د سقوط نه وروسته سوځیدلې ده .