په عراق کې د محمد شیاع السوډاني په مشرۍ حکومت د باور رای واخیسته

په عراق  کې د محمد شیاع السوډاني په مشرۍ  نوي حکومت ، له پارلمان څخه د باور رایه ترلاسه کړه.

د ولسي جرګې په نننۍ غونډه کې د نوي حکومت لپاره د باور رایه واخیستل شوه.

په داسې حال کې چې د سوډاني له خوا په جوړه شوې کابینه کې له ۲۳ وزیرانو څخه ۲۱ یې د باور رایه ترلاسه کړه، خو د کرد ګوندونو ترمنځ د اختلاف له امله د بیارغونې او تصفیې وزیر او د چاپیریال وزیر ته د باور رایه ورنکړل شوه.

په همدې حال کې ترکمن نژاد ثابت عباسي د ملي دفاع وزارت د سرپرست په توګه وټاکل شو.

نویو وزیرانو په ولسي جرګه کې لوړه وکړه او په دندو یې پیل وکړ.