په سعودي عربستان کې دا ځل یو تن شهزاده د محکمې په حکم په درو ووهل شو

په سعودي عربستان کې  یو څه موده مخکې  د شاهي کورنۍ د یو تن غړي د اعدامیدو نه  وروسته  داځل  یو تن بل  د محکمې په حکم  په درو  ووهل شو.

د یادولو وړ ده چې  سعودي عربستان  تیره میاشت د ترکي بن سعود الکبیر په نامه  د شاهي کورنۍ یو تن غړی  د جنایت په تور  اعدام کړ.

د رویټرز خبري اژانس  د خبر له مخې  په سعودي عربستان کې  د شاهي کورنۍ یو تن غړی  د محکمې په حکم  په درو ووهل  شو.

رویټرز  ویلي دي چې  د شاهي کورنۍ غړی  د سعودي عربستان  د جدې ښار په زندان کې په درو وهل شوی دی .

رویټر ویلي دي چې  د شاهي کورنۍ ددې غړي شهزاده  نوم  او جرم  په اړه معلومات ندي ورکړ شوي .

د ویلو ده چې تیره میاشت د سعودي عربستان د شاهي کورنۍ غړی شهزاده ترکي بن سعود الکبیر په ۲۰۱۲ کال کې د یو تن د وژلو په تور  په دار وځوړول شو.