په سعودي عربستان كې نښته

دا نښته هغه مهال رامنځته شوه چې يو شمېر حوثي جنګياليو هڅه كوله چې د يمن له خاورې د سعودي عربستان خاورې ته ننوځي.

په يمن كې د سعودي عربستان په مشرۍ د ايتلافي ځواكونو د قوماندانۍ د معلوماتو په اساس حوثي وسله والو هڅه كوله چې د قاچاقي لارو سعودي ته ننوځي.

په خپره شوې خبر پاڼه كې راغلي دي چې په نښته كې حوثيانو ته هم درانده مالي او ځاني زيانونه اوښتي دي.

په يمن كې د تېر يو كال راهيسې  د حكومت د ځواكونو چې  د سعودي عربستان په مشرۍ د ايتلافي ځواكونو له ملاتړه برخمن دي او د حوثي جنګيالو ترمېنځ نښتې روانې دي.