داعش ډلې یو ځل بیا په سوریه کې قتل عام ترسره کړ

داعش ډلې دا ځل په سوریه کې په یو کلي چاپه واچوله او لږ تر لږه ۴۰ تنه يي ووژل .
د داعش ډلې په سوریه کې یو بل قتل عام ترسره کړه. داعش د سوریې د حاما ښار اړوند د مابوجا په سیمې چاپه واچوله او ۴۰ تنه يي ووژل .
ویل کیږي په یاده شوې سیمه کې ډیری علويان، مسیحیان او اسماعلیان ژوند کوي.
د امریکا د فوکس نیوز خبري کانال د سوریې د دولتي تلویزیون او بشري حقونو د څار سازمان د معلوماتو له مخې خبر ورکړی دی چې د داعش ډلې په یاد شوي کلي د چاپې نه وروسته ۴۴ تنه وژلي دي .
د بله پلوه د فرانسې خبري اژانس فرانس پرس بیا ویلي دي چې په وژل شوو کسانو کې ۲ تنه ماشومان هم شتون لري.
په سوریه کې د بشري حقونو نه د څار سازمان ویلي دي چې داعش په یاد شوي کلي کې د ځینو کسانو نه سرونه پرې کړي او ځیني يي ژوندي سوځولي دي.
د کلي یو شمیر خلک چې په تیښته بریالي شوي دي د صبورا کلي ته پناه وړې ده .