د تورکیې د جغرافیا راجستر شوي توکي

د تورکیې د جغرافیا راجستر شوي توکي

په ننۍ خپرونه کې د تورکیې د حقاري ولایت  ولایت د یو ډول ځانګړي خوړو ( کریس) په اړه لنډ بحث کوو.

د کریس خواړه  د تورکیې  د حقاري ولایت ځانګړي خواړه دي. حقاري ولایت بیا د تورکیې ایران او عراق سره د تقاطع په نقطه کې موقعیت لري. دا ویلو ده چې دا خواړه چې د غوښې څخه پخیږي په ځانګړې توګه د ختمونو، ودونو یا خیراتونو  په څیر پیښو لپاره چمتو کیږي.

 "کریس " په ۲۰۱۷ کال کې  د حقاري ولایت د اشپزانو او شیریني پزانو د تورکیې په جغرافیه کې ثبت شوي محصولاتو په لست کې  شامل شو، ډېر پخوانی تاریخ لري. ددې خوړو د پخولو لپاره لازم مواد.  هډوکې لرونکې غوښه، کوفته، بلګور، وریجې، نخود، پیاز ، روميانو ، د رومیانو رب، ممیز او چارمغز.د ویلو ده چې ممیز او چارمغز دې  خوړو ته یو ډول بل خوږ او ښکلی لذت ورکوي.  .

لومړی د سرخي غوښې نه کوفته باید جوړه شي. وروسته وريجې، نخود، ممیز، چارمغز او ، هډوکو غوښه په جلا جلا دیګونو کې ایشول کیږي.  په یو بل لوی دیګ کې پیاز ، رومیان او  او د روميانو رب سره کیږي  او بیا د پاسه يي جوش شوي وریجي ، نخود، ممیز، چارمغز او د کوچني چارمغز د لویوالي په اندازه جوړه شوې کوفته اچول کیږي.

د خفیف لړولو نه وروسته په دیګ کې مالګه او اوبه اچول کیږي. دا ټول ۴۵ دقیقې جوش کیږي. وروسته جوش شوي سوماک دانې هم پکې اچول کیږي او د پنځو دقیقو نورو لپاره جوش کیږي.

د پخیدو نه وروسته دا خواړه د چپاتې ډوډۍ ، پيازو او شومړو سره میلمنو ته ورکول کیږي.