د تورکیې د ورځپاڼو سرتکي

وطن ورځپاڼې  "اردوغان: تورکیې په حقیقت کې په دفاعي صنعت کې ډیر جدي پرمختګ کړی " د سرلیک لاندې لیکلي دي ، د تورکیې ولسمشر اردوغان وویل چې تورکیې د دفاعي صنایعو په برخه کې تاریخ لیکلی دی او ویلي يي دي چې تیر کال مونږ د TCG انادولو ستره جنګي بیړۍ  سمندري ځواکونو ته وسپاره او  په خدمت يي پیل وکړ. مونږ د ډرون الوتکو  په برخه کې د نړۍ د ۳ مخکښو هیوادونو څخه یو. زمونږ ملي جنګي الوتکې KAAN په بریالیتوب سره خپله لومړنۍ الوتنه ترسره کړه.

د ینې شفق ورځپاڼې  "د تورکیې تعرضي بې پیلوټه الوتکو کورنۍ نوی غړی او ځواک"د سرلیک لاندې لیکلي دي ، د تورکیې بیرقدار اقنجي سي تعرضي بې پيلوته الوتکې خپله لومړنۍ الوتنه  په بریالیتوب سره ترسره کړه.  پدې ډول د بیرقدار اقنجي تعرضي الوتکې دریم ماډل  اقنجي سي په الوتنو پیل وکړ. د ویلو ده چې نوموړې الوتکې د تورکیې د اقنجي تعرضي الوتکو طاقت او قوت لا پسې پیاوړی کړ .  ویل کیږي دا الوتکه په خپلو همزولو کې تر ټولو موثره او پرمختللې الوتکه ده.

د سټار ورځپاڼې  "علي یف  : تورکیه  د اذربایجان د خلکو ریښتینی ملګری دی" د سرلیک لاندې لیکلي دي ، د اذربایجان ولسمشر الهام علی یف ولسمشر اردوغان ته د مبارکۍ په پیغام کې وویل چې تاسو د اذربایجان د خلکو رښتیني دوست یاست، ستاسو هوډ او څرګند دریځ او نه هیریدونکي ملاتړ چې تاسو تل د اذربایجان د عادلانه مسلې په اړه ښودلی دی هیڅکله هم زمونږ د خلکو لخوا هیر نشي."

د حریت ورځپاڼې " د اسرائيلي  انتروپولوژست لخوا د عثماني دولت وړاندیز " د سرلیک لاندې لیکلي دي ، اسرائيلي ارواپوه جيف هالپر د اسرائيلي اشغال پر ضد د عثماني نظام وړانديز وکړ. هالپر وویل: "زه د عثماني دولت په څېر د یوه داسې نظام خوب وینم، چې د فلسطینیانو او هم زما په څېر د اسرائیلو لپاره وي. خلکو هر ځای ته سفر کولای شو. هغوی ازاد وو. کېدای شي دا په منځني ختیځ کې په سلو کلونو کې بیا رامنځته شي."

صباح  ورځپاڼې " د نړۍ د ذایقو په پلازمینو کې  د تورکیې یو ښار هم داخل شوی دی"

د سرلیک لاندې لیکلي دي ، د نړۍ د ذایقو د پلازمینو په  ډیټابیس کې د ۱۶۶۰۱ ښارونو په مینځ کې تر ټولو د ښه ذایقو خوړو لرونکو ښارونه وټاکل شول. ددې لست په لسو غوره ښارونو کې د تورکیې د غازي انتپ ولایت هم خپل ځای نیولی دی.