د تورکیې د ورځپاڼو سرټکي
د تورکیې د ورځپاڼو سرټکي
د تورکیې د ورځپاڼو سرټکي
خبر ترک ورځپاڼې " اردوغان: زمونږ تمه داده چې هر څوک د خپلو لاسلیکونو نه ملاتړ وکړي " د سرلیک لاندې لیکلي دي ،
ولسمشر رجب طيب اردوغان پرون د توركيې ملي راډيو ټلويزيون (TRT) سره په ځانګړې مرکه کې وويل "موږ له د ټولو خواوو څخه هيله لرو چې د غلې دانې د لېږد په تړون كې د خپلو لاسليكونو نه ملاتړ وكړي او د خپلو مسووليتونو سره سم عمل وكړي."
وطن ورځپاڼې "د عمر چیلیک څرګندونې " د سرلیک لاندې لیکلي دي ،
د تورکیې د عدالت او پراختیا ګوند ویاند عمر چیلیک د خپل ګوند د مرکزي اجرایوي کمیټې د غونډې نه وروسته د اجنډا په اړه څرګندونې وکړې. چیلیک وویل، د استانبول تړون د غلو د بحران د حل په برخه کې خورا مهم دی.
حریت ورځپاڼې " وزیر اکار د خپل امریکایي سیال سره خبرې وکړې"د سرلیک لاندې لیکلي دي ، د تورکیې د ملي دفاع وزیر خلوصي اکار پرون د امریکا متحده ایالتونو د دفاع وزیر لویډ جیمز آسټین سره تلیفوني خبرې وکړې. په دې خبرو کې پر دوه اړخیزو او سیمه ییزو مسایلو خبرې وشوې.
سټار ورځپاڼې "تروریزم د تورکیې او زموږ لپاره ګډ خطر دی" د سرلیک لاندې لیکلي دي ، د ایران د بهرنیو چارو د وزارت ویاند ناصر کناني په عراق کې پرمختګونو ته په اشارې سره وویل ترهګري د ایران، عراق او تورکیې لپاره ګډ خطر دی.
صباح ورځپاڼې "د هوا له لارې انتالیا ته د راغلو سیلانیانو شمیر له ۶ میلیونو تنو څخه واوښت " د سرلیک لاندې لیکلي دي ، د جنورۍ له لومړۍ نېټې څخه د جولای تر ۲۴مې نېټې پورې د هوا له لارې انتاليا ته د راغلو سيلانيانو شمېر د تېر کال په پرتله ۱۰۷ سلنه زيات شوی او ۶ میليونه ۱۳۳ زره ۴۶۳ تنو ته رسېدلی دی.
