د ترکیې د ورځپاڼو سرټکي

د خبرترک ورځپاڼې « د ولسمشر اردوغان غوښتنې ته د ټولو  لخوا لبیک  »  د سرلیک لاندې  لیکلي دي، د ترکیې د کرنۍ او ځنګلونو وزارت  د اکتوبر په ۲۸ مه نيټه  پیل شوی  د نیالګیو کینولو کمپاین په اړه هیوادوالو پراخه  لیوالتیا ښودلې ده . د ۱۱ میلیونه ۴۷ زره ۴۳۰ نیالګیو  هدف  په څو  ورځو کې پوره شو  چې تر اوسه پورې  د نیالګیو شمیره  ۱۲ میلیونه ۹۱۵ زره ۳۱۹ ته  رسیدلې ده . ولسمشر اردوغان  د نوامبر په ۱۱ مه نیټه په ۱۱ بجو او ۱۱ دقیقو هیوادوالو ته  د نیالیګو کینولو په مراسمو کې  د ګډون بلنه ورکړه. دې بلنې ته ټولو لبیک  وویلو.

د ینې شفق ورځپاڼې « انکا په هوا کې د ۲۶ ساعته او ۳۰ دقیقو  د پاتې کیدو سره  ریکارډ  ټینګ کړ »  د سرلیک لاندې  لیکلي دي، د ترکیې ملي بې پیلوټه الوتکې  انکا د یو شپې او ورځې نه هم  اوږده الوتنه وکړه. انکا  د ۲۶ ساعته او ۳۰ دقیقو  الوتنې سره  نوی ریکارډ  جوړ کړ. انکا د شپې او ورځې ، د هوا په هر ډول شرایطو کې ، د حرکت په حال کې او ثابته  ، د هدف تثبت، تشخیص، پیژندولو او تعقیب  او  په ژوندۍ بڼه  د فلم بردارۍ  په ظرفیت  جوړه شوې  ده. دا  الوتکه په هر وخت کې خپله استخباراتي او کشفي  دنده پر ځای کولی شي.

د سټار ورځپاڼې « امریکا: ترکیه به زمونږ د الوتکو په څارولو پیل وکړي »  د سر لیک لاندې لیکلي دي، د امریکا  د دفاع د وزارت  سکرتر  الن ام لورد  ویلي دي چې ترکیه د روسیې نه د اخیستو اس ۴۰۰ دفاعي توغندیو د سیتسم د فعالونو سره  په نږدې وختونو کې  په سیمه کې  د الوتکو په تعقیبولو پیل کوي.

هغه  دا څرګندونې په پنټاګون کې خبري غونډې ته وکړې. هغه زیاته کړه چې  ترکیه په به د روان کال تر پایه پورې  خپل اس ۴۰۰ دفاعي توغندیو  سیتسم  فعاله کړي.

د صباح ورځپاڼې « اروپايي ټولنه : د ترکیې اقتصاد په ډیره  چټکه توګه ځان راټول کړ»  د سرلیک لاندې لیکلي دي، د اروپايي ټولنې د ۲۰۱۹ کال د منې  د اقتصادي اټکلونو په راپور کې ویل شوي دي چې په ترکیه کې تیر کال  په اقتصاد کې د بهرنيو اسعارو  له امله رامنځته شوې ستونزې  د مالي تشویقونو  او د صادراتو د کچې د لوړیدو سره  په ډیره  چټکه توګه  حل  شوې او اقتصاد د ځان په راټولو پيل وکړ. په راپور کې راغلي دي چې  اټکل شوی دی د ترکیې اقتصاد به په ۲۰۲۰ کال کې  ۳ عشاریه یو سلنه او په ۲۰۲۱ کال کې به  ۳ عشاریه ۵ سلنه  وده وکړي.

د حریت ورځپاڼې « د میلیونونو  سرمایه  په ۹ میاشتو کې  ۱۴۵ عشارهی ۴ میلیارده ترکي لیرې ډیره شوې »  د سرلیک لاندې لیکلي دي، په ترکیه کې  د هغه میلیونرانو چې په بانکي حسابونو کې د یو میلیون نه ډیرې  پس انداز شتون لري  شمیره  په ۹ میاشتو کې  د ۲۶ زره او ۷۶۳ تنو په ډیریدو سره  ۲۰۶ زره او ۸۸۹ تنو ته  لوړه شوې ده .

د ویلو ده چې  ددې میلیونرانو  بانکي پس انداز  یو تریلیون ۲۵۵ میلیارده او ۲۷۳ میلوینو  ترکي لیرو ته  رسیدلی دی.