د ترکیې د ورځپاڼو سرټکي

د ینې شفق  ورځپاڼې « واشنګټن پوست ته د ولسمشر اردوغان مقاله : د قاشقچي د جنایت تر روښانونو پورې به مبارزې ته دوام  ورکړو » د سرلیک لاندې لیکلي دي، د ترکیې ولسمشر رجب طیب اردوغان د سعودي عربستان د ژورنالست جمال قاشقچي  د جنایت اړوند  د واشنګټن پوست ورځپاڼې ته مقاله لیکلې. ولسمشر اردوغان په لیکلې مقابله کې ددې خبرې په ټینګار لیکلي دي چې  که چیرې د سپټمبر د ۱۱ مې پيښه  ونه شمیرو  د قاشقچي جنایت د ۲۱ مې پيړۍ  تر ټولو ستره  او جنجالي  پيښه  شمیرلی شو. ځکه چې  د سپټمبر د ۱۱ مې پیښې پرته بل هیڅ پیښې د نړۍ  نظم پدې اندازه  نه وو تهدید کړی. پدې اندازه  نړۍوال قوانین  پکې ندي تر خپو لاندې شوي. ترکیه به  د قاشقچي د جنایت د روښانولو پورې  مبارزې ته  دوام ورکړي. دا زمونږ  د ټولو سره  ژمنه ده.

د وطن ورځپاڼې  « وزیر البیرق د ترکیې درې کلن اقتصادي پروګرام  بیان کړ »  د سرلیک لاندې  لیکلي دي، د ترکیې د خزانې او مالیې وزیر برات البیرق  پرون د نوي اقتصادي پروګرام په غونډه کې  وینا وکړه.

هغه وویل چې  د سږنۍ  غونډې  اصلي موضوع  بدلون پيلیږي  ده. هغه  په خپل نوي اقتصادي هدف کې  د راتلوونکو دریو کلونو لپاره د انفلیشن  ارقام  خپاره کړل. هغه وویل چې د  ۲۰۱۹ کال لپاره  ۱۲ سنله، د ۲۰۲۰ کال لپاره ۸ سلنه او د ۲۰۲۱ کال لپاره ۶ سلنه  انفلیشن  هدف ټاکل شوی دی. همداشان د روان میلادي کال لپاره د اقتصادي ودې هدف  صفر عشاریه پنځه سلنه او د راتلوونکو کلونو لپاره بیا پنځه سلنه هدف ټاکلی دی.

د حریت ورځپاڼې « ترکش ایرلاین د ختیځې اروپا او بالکان د مساپرو لپاره تخفیف په نظر کې نیولی دی » د سرلیک لاندې لیکلي دي، ترکش ایرلاین د ختیځي اروپا او بالکان هیوادونو ته سفر کوونکو مساپرو ته  تخفیف په نظر کې نیولی دی. ختیځې اروپا او بالکان هیوادونو ته سفر کوونکي  کولای شي چې د ۱۱۹ ډالرو په بدل کې  سفر وکړي.

د صباح ورځپاڼې « ترکیې په ۸ میاشتو کې څه باندې ۳۱ میلیونو تنو ګرځندویانو کوربه توب کړی » دسرلیک لاندې  لیکلي دي، د ترکیې د ګرځندوی سکتور  په ډیره چټکه توګه د ودې په حال کې دی. ترکیې سږ کال په ۸ میاشتو کې  د څه  باندې ۳۱ میلیونو تنو سیلانیانو کوربه توب کړی دی.

همداشان د ترکیې  د ګرځندوی  سکتور  د سږ کال د اګست په میاشت کې د تیر کال همدې میاشتې په پرتله  ۱۷ عشاریه ۱۷ سلنه وده کړې ده .

د سټار ورځپاڼې « وسله وال ځواکونه  په نوې لایزر  وسلې سمبال شول »  د سرلیک لاندې لیکلي دي، د ترکیې د صنایع او تکنالوژۍ وزیر مصطفی ورانک  پرون د ټولنیزې مډیا له لارې په خپور کړي پيغام کې  وسله والو ځواکونو ته  په ملي امکاناتو جوړه شوې  د لایزر وسلې  د سپارولو نه خبر ورکړ. هغه ویلي دي چې ددې وسلې ټول ازمایښتونه په بریالي توګه د سرته رسیدو نه وروسته وسله والو ځواکونو ته  وسپارل شوه.