د ترکیې د ورځپاڼو سرتکي

د ینې شفق ورځپاڼې « د هر چا لپاره سوله او عدالت غواړو »  د سرلیک لاندې لیکلي دي، د ترکیې ولسمشر رجب طیب اردوغان پرون د امریکا متحده ایالتونو د نیویارک په ښار کې جوړه شوې د ملګروملتونو سازمان کلنۍ اسمبلۍ ته په وینا کې  په نړۍوال عدالت  ټینګار وکړ. ولسمشر اردوغان په خپله وینا کې د سوریې، سوري کډوال، د اسراییلو د روان اشغال، کشمیر، افغانستان، میانمار  او په لویديځ کې د اسلام دښمنۍ  په ګډون د یو زیات شمیر ستونزو نه یادونه وکړه. ولسمشر اردوغان  په خپله وینا کې د هر چا لپاره د ازادۍ، سولې، امنیت او عدالت غوښتنه وکړه.

د حریت ورځپاڼې « چاوش اوغلو د سویلي قبرس وزیر ته سخت ځواب ورکړ » د سرلیک لاندې لیکلي دي، د ترکیې د بهرنیو چارو وزیر مولود چاوش اوغلو  د ملګروملتونو په کلنۍ اسمبلۍ کې د ګډون په موخه  نیویارک ښار ته تللی دی. هغه په نیویارک کې د سویلي قبرس د بهرنیو چارو د وزیر نیکوس هغه څرګندونو پر خلاف  سخت غبرګون وښود چې  په قبرس کې د فدراسیون مسئله رابرسیره کړې وه. چاوش اوغلو  د هغه په ځواب کې وویل « ستاسې مشر  دا خبره رد کړې ده . لومړی باید  په کومه مسئله خبرې او مذاکراه وکړو  په اړه تصمیم  ونیول شي. »

د وطن ورځپاڼې « د پيسو د نړۍوال صندوق لخوا د ترکیې په اړه څرګندونې »  د سرلیک لاندې لیکلي دي، د پیسو نړۍوال صندوق  ویلي دي چې  سږ کال  د ترکیې د اقتصاد لپاره هیڅډول کوم خطر  او یا هم  اقتصاد کوچنی والی  نه لیدل کیږي. د صندوق لخوا په خپور شي راپور کې ویل شوي دي چې د ترکیې اقتصادي پدې وروستیو کلونو کې  په ډیر استقرار سره  ودې ده دوام ورکوي.

هغه ویلي دي چې  د ترکیې د حکومت لخوا جدي اقتصادي اصلاحاتو  دا قوي  وده  رامنځته کړې ده .

په راپور کې ویل شوي دي چې د ترکيې ملي کرنسۍ  ترکي لیرو  ارزښت هم  په نړۍوالو بازارونو کې ښه  شوی دی  او په جاري موازنه کې  جدي پرمختګ  ترسترګو کیږي.

د خبرترک ورځپاڼې « کوش اداسې ته درې سترو سیاحتي کښتیو ۲۶۳۰ تنه ګرځندویان راوستل »  د سرلیک لاندې لیکلي دي، د سیاحتي لوکسو  کښتیو  د مهمو مرکزونو نه  د ترکيې د ایدن ولایت د کوش اداسي ولسوالۍ  د درو سترو سیاحتي کښتیو کوربه توب وکړ. ویل کیږي  پدې کښتیو کې  ۲۶۳۰ تنه  ګرځندویان  یادې شوې ولسووالۍ ته راغلي دي.

د ویلو ده چې  پدې کښتیو کې  د ۲۶۳۰ تنو مساپرو سربیره  ۱۵۰۰ تنه  د کښتیو کارکوونکو هم  شتون درلود. ګرځندویان  د ایزمیر ولایت د ایفس او نورو تاریخي  سیمو نه د لیدنې په موخه  ایزمیر  ولایت او ځینو بیا  د ایدن ولایت نورو سیمو ته  سفرونه وکړل.

د صباح ورځپاڼې « اویفا میلیس اوزچیدم ته  مهم  دنده  وسپارله »  د سرلیک لاندې لیکلي دي، د اروپا د فوټبال  فدراسیون  د ترکیې ښځینه  ریفرۍ  میلیس اوزچیدم  ته  د اویفا د ښځینه لوبدلو د لیګ  په سیالیو کې  د جرمني  د والسبورګ  او کوسووا د میترویچا  د لوبډلو ترمنځه  د ننۍ سیالۍ    د اداره کولو مسئولیت  وسپاره.

پدې سیالۍ کې به د اوزچیدم  د مرستیالانو په توګه بیتول نور یلمز  او دیبیت ګوک  دنده  ترسره کړي. د سیالۍ د څلورمۍ ریفرۍ په توګه  جانسو تریاکي  ټاکل شوې ده .