د ترکیې د ورځپاڼو سرټکي

د سټار ورځپاڼې « روسیه : په سوریه کې د امن د سیمې په اړه د ترکیې غوښتنه پر ځای او مشروع  ده »  د سرلیک لاندې لیکلي دي، د روسیې د بهرنیو چارو وزیر  سرګي لاوروف  د سوریې په شمال کې د ترکیې او امریکا لخوا په ګډه  جوړیدونکي د امن د سیمې په اړه وویل «  د سوریې شمال ختیځه سیمه  یوه جلا سیمه ده. د روسیې ولسمشر ښاغلي پوتین پدې سیمه کې  د ترکیې  امنیتي اندیښنې  مشروع بولي . »

د صباح ورځپاڼې « د اقنجي  ډرون الوتکې  د ازمایښت  سرته ورسید »  د سرلیک لاندې لیکلي دي، د ترکیې د بایکار د شرکت  د تخنیکي  چارو عمومي  مشر سلجوق  بیرقدار  وویل چې  د اقنجي په نامه  د ډرون  الوتکې ازمایښت  سرته ورسید.

بیرقدار  د اقنجي  ډرون الوتکې  د ازمایښت  ویدیو د ټولنیزې مډیا له لارې خپره کړې ده . هغه ویلي دي چې  د ورځو ورځو  تیاریو  او د تیرو ۲۴ ساعتونو  په دومداره توګه  د کار نه وروسته مو د اقنجي  ډرون الوتکې ماشین  چالان کړ چې د ډیرې خوښۍ ځای  دی.

د حریت ورځپاڼې « اذربایجان ته پرته د ویزو  دوره پیل شوه »  د سرلیک لاندې لیکلي دي، د رتکیې او اذربایجان ترمنځه  د ویزو د معافیت  د تړون په چوکاټ کې  د سپټمبر د لومړۍ نیټې نه په اعتبار سره  د دواړو هیوادونو وګړو  یو بل هیواد ته پرته  د ویزې  په سفر پيل وکړ. د نوموړي تړون له مخې  د ترکیې وګړي کولای شي چې  د ۳۰ ورځو لپاره پرته د ویزې  اذربایجان ته سفر وکړي.

د خبرترک ورځپاڼې « انتالیا د ګرځندوی په برخه کې تاریخي ریکارډ پر لورې  روان  دی »  د سرلیک لاندې لیکلي دي، انتالیا ولایت  د جنوري د لومړۍ  او اګست د میاشتې د ۳۱ مې نیټو ترمنځه  یواځې د هوا له لارې  د راغلو د لس میلیونو ۷۶۵ زره او ۹۴۶ تنو ګرځندویانو کوربه توب کړی دی. د ویلو ده چې  دې رقم ته په کتو سره  انتالیا ګرځندوی سکتور  د تیر کال همدې میاشتې په پرتله  ۱۶ عشاریه ۶۶ سلنه وده کړې ده .

د ویلو ده چې انتالیا په نړۍ کې تر ټولو زیات  د سیلانیانو  د خوښې  دریم  ښار  دی. دا ښار  سږ کال  د ټاکلي  ۱۶ میلیونه تنه  ګرځندویانو د هدف پر لورې  پر مخ روان دی.

د ینې شفق ورځپاڼې « د ترکیې د باسکتبال ملي لوبډلې  د اتلولیو په سیالیو کې  لومړی  بری »  د سرلیک لاندې لیکلي  د ترکیې د باسکتبال الف ملي لوبډلې  د اتلولیو  د سیالیو په چوکات کې په اي ډله کې  د جاپان  د لوبډلې سره سیالي وکړه چې د جاپان ملي لوبډلې ته  ماتې ورکړه.

د ترکیې ملي لوبډله به دویمه لوبه  د سې شنبې په ورځ د امریکا متحده ایالتونو د لوبډلې سره وکړي. .