د ترکیې د ورځپاڼو سرټکي

د سټار ورځپاڼې «د کویټ  خلک  د نړۍ په مشرانو کې تر ټولو ډیر  د ترکیې د ولسمشر رجب طیب اردوغان سره  مینه لري.» سرلیک لاندې لیکلي دي چې

دا خبره  د امریکا  مطالعاتي ستراتیژۍ  واشنګټن انیستیتیوت  کړې ده . یاد شوي انیستیتیوت په کویټ کې  د نړۍ د مشرانو په اړه  نظرپوښتنه کړې ده .

د کویټ د القبس  ورځپاڼې د نوموړې نظر پوښتنې  پایلې  خبرې کړي او پدې اړه يي  یو خبر خپور کړی دی.

یاد شوې ورځپاڼې « د کویټ خلک ټرمپ  پر خلاف قهر  او د اردوغان پر وړانډې مینه لري »  د سرلیک لاندې  خبر خپور کړی دی. په خبر کې راغلي دي چې په کویټ کې  د امریکا  متحده ایالتونو  د ولسمشر دونالد ټرمپ  محبوبیت  پنځه  سلنه دی  او ددې په مقابل کې  د ترکیې د ولسمشر رجب طیب اردوغان  محبوبیت ۶۴ سلنه  دی.

د صباح ورځپاڼې «  د ترکیې د تاریخ بیانوونکي  ۶ میلیونه کتابونه » د سرلیک لاندې لیکلي دي، د ترکیې ولسمشر رجب طیب اردوغان وویل چې  د ترکیې  تر ټولو  ستر کتابتون به  په استانبول کې د رامي  په قشله کې  جوړ شوي . پدې اړه چارې دوام لري. پدې کتابتون کې به  ۶ میلیونه کتابونه  د لوستونکو لوست ته  وړانډې شي. ولسمشر اردوغان وویل چې  ددې سربیره  پدې قشله کې غواړو چې  د لسو میلیونو کتابونو د درلودو په ظرفیت  یو بل ډیر ستر کتابتون هم  جوړ کړو. همداشان  پدې قشله کې د نندارتونو د سالونونو ، د کافي خونو نه تر کتاب پلورنځیو، د تحفو د پلورلو دوکانونه ، دودیزو توکو د پلورلو دوکانونه په ګډون یو زیات شمیر  مکانونه جوړولو پلان  لرو.

د حریت ورځپاڼې « د هارمان قایا ابشار د هیجان  د مینه والو انتظار باسي »  د سرلیک لاندې لیکلی دي، د دوزجه  ولایت  د جمعه یرې  په  ولسوالۍ   کې  د طبعیت دوستو ډلو لخوا کشف  شوې  او وروسته د ګرځندویانو پر مخ پرانیستل شوې  د هارمان قایا په ابشار  کې  د زیپ لاین  لپاره  مزي  غځول کیږي. د ویلو ده چې دا ابشار نږدې دوه کاله مخکې  د طبعیت دوستو کسانو لخوا  په ځنګل کې  د قدم  وهلو پر مهال کشف شوی وو چې  وروسته د دوزجه ولایت  د کولتور او ګرځندوی د ریاست  لخوا  د ګرځندوی پر مخ پرانیستل شو.

د ویلو ده چې پدې سیمه کې د ترکیې  موټرسایکل ځغلونې تر ټولو  مهمه ځغاست لیکه  او نور سپورتي  تاسیسات هم  شتون لري.

د ینې شفق ورځپاڼې « د زیوګما  او ګوبک ټپې  فیګورونو په زیوراتو کې کارول کیږي»  د سرلیک لاندې لیکلي دي د  غازي  انتپ  د بلوغ  انیستیتیتوت  غواړي چې  د ترکیې د ګرځندوی د مهمو  مرکزونو نه  د غازي انتپ د زیوګما د لرغوني ښار  فیګورونه او د شانلي اورفا ولایت د ګوبکتپې  د لرغونې ښار  فیګورونو نه  د زیوراتو او جواهراتو په جوړولو کې کار واخلي. یاد شوي انیستیتیوت  په پام کې لري چې  د زیوګما په لرغوني ښار کې  په موزایکو باندې رسم  شوي  فیګورونه  او د ګوبکتبې په لرغوني ښار کې په مرمرو  موجود  تاریخي فیګورونه د غاړکیو، والیو، ګوتو ، لاسبندونو  او داسې نورو  زیوراتو کې  وکاروي. نوموړي انیستیتیوت ویلي دي چې  په پام کې لري په راتلوونکې کې ددې تاریخي فیګورونو نه د کور په سامان الاتو کې هم کار واخلي. دا انیستیتیوت غواړي چې  پدې ډول د ترکیې نامتو  تاریخي  سیمې  نړۍ ته  معرفي کړي.

د خبرترک ورځپاڼې « ځوان استعدادونه  کشفیږي »  د سرلیک لاندې لیکلي دي، د ځوانو استعدادونو د موسیقۍ  د سیالۍ  په اړه  د ځوانانو  لیوالتیا د هرې ورځې په تیریدو سره  مخ په ډیریدو ده. ویل کیږي پدې سیالۍ کې ګډون کوونکو ته  د موسیقۍ سره  د ځان د بیان  فرصت ورکول کیږي.

دا سیالۍ  ځوانانو  چې د موسیقۍ په برخه کې ځانګړی  استعداد ولري  د خپل استعداد  د بیانولو  فرصت ورکوي.

پدې سیالۍ کې د ګډون  وروستۍ  نیټه  د ۲۰۱۹ کال د مارچ ۳۱ مه نیټه  ده. د سیالۍ ګټوونکو ته به د اپریل په ۱۴ مه نیټه د ځانګړو مراسمو په  ترڅ کې جایزې ورکړل شي.