د ترکیې د ورځپاڼو سرټکي

د صباح ورځپاڼې  لیکلي دي چې د ترکیې لومړي وزیر رجب طیب اردوغان  د چانکایا په ماڼۍ کې د سومالیا  د لومړي وزیر حسن علي خیري  سره  د لیدنې نه وروسته په ګډه خبري غونډه کې ګډون وکړ.

لومړي وزیر ییلدرم  په نوموړي خبري غونډه کې  د عراق په شمال کې د کوردانو د فدرالي ادارې  د مشر مسعودي برزاني لخوا د نامشروع ټولپوښتنې  اړوند   د وړاندیز په اړه  د پوښتنې په ځواب کې وویل « د کوردانو فدرالي اداره چې څه پریکړه کوي ژر دې وکړي. فدرالي  ادارې د خپلو خطاګانو منفي  پایلې په خپلوسترګو ولیدې. 

همداشان  د ټولپوښتنې په اړه د برزاني  وروستی  وړاندیز  د رامنځته کړو تخریبانو  جبران  نشي کولی. هغوې  غلط حساب کړی وو. غلط حساب کتاب د انقرې، بغداد او تهران نه  بیرته  راستون شو. ددینه وروسته به ترکیه  د عراق او ایران سره په ګډه  د سیمې د امنیت او استقرار په خاطر د ترهګرۍ پر وړاندې لا فعاله  مبارزه وکړي. »

د وطن ورځپاڼې  « زیبکچي د الماني بانکونو اړوند ادعاګانو ته ځواب ووایه »  د سرلیک لاندې لیکلي دي، د ترکیې د اقتصاد وزیر نیهات زیبکچي  د الماني بانکونو اړوند  هغه ادعاګانې چې په ترکیه کې د خپلو فعالیتونو کچه راټیټوي  بې بڼسټه  وبللې.

وزیر زیبکچي  د ترکیې د بهرني تجارت او اړیکو  د کمیټې لخوا جوړه شوې د ترکیې او ازبکستان د سوداګریزې غونډې نه وروسته  د خبریالانو پوښتنې ځواب کړې.

هغه  په ترکیه کې د جرمني بانکونو د فعالیتونو د کچې د راټیټولو اړوند  د ادعاګانو په ځواب کې وویل «  دا ټولې بې بڼسټه ادعاګانې دي. دا په اصل کې د دښمنانو لوبې دي. الماني  بانکونو  او اړوند ادارو دا ادعاګانې په په کلکه توګه رد کړي دي. »

د حرییت ورځپاڼې  « یوناني وزیر : اردوغان یونان ته سفر کوي  » د سرلیک لاندې لیکلي دي، د یونان د بهرنیو چارو وزیر نیکوس کوجایس  ویلي دي  چې د ترکیې ولسمشر رجب طیب اردوغان  به  د نوامبر د میاشتې په وروستیو کې  د یونان نه لیدنه وکړي. هغه ویلي دي چې د دې سفر دقیقه  نیټه معلومه نده  خو د نوامبر د میاشتې په وروستیو کې به ترسره شي.

هغه  خبري غونډې ته وویل چې  د تیرې سې شنبې په ورځ  ولسمشر اردوغان ته یونان  ته د سفر په خاطر  رسمي بلنلیک  وړاندې شوی دی . هغه وویل چې ولسمشر اردوغان  زمونږ بلنې ته  لبیک ووایه  او وویل چې په نږدې وخت کې به دا سفر ترسره کړي. هغه وویل ترکیې ته د سفر پر مهال  د ولسمشر اردوغان سره  لیدنه وکړه. په لیدنه کې  یونان ته د راتښتیدولو  کودتاچي عسکرو په مسلې هم  خبرې وشوې.

د خبرترک ورځپاڼې  لیکلي  دي  د ترکیې د انادولو  بیمې شرکت  د نوي تکنالوژیک سیستم  په فعالولو سره  هیوادوالو ته  ډيرې زیاتې اسانتیاوې  برابرې کړي دي.

هیوادوالو  د شرکت  د نوي  ځیرک  پروګرام  په واسطه  د ۵ ثانیو په څیر  په کمه موده کې  خپلې چارې  ترسره کولی شي.