د ترکیې د ورځپاڼو سرټکي

د حرییت ورځپاڼې  « د ترکیې سره په قوي اړیکو  افتخار کوو »  د سرلیک لاندې لیکلي دي، د قطر امیر شیخ تمیم بن حمد ال ثاني  د اکا  زوی  شهزاده شیخ سحیم بن خالد ال ثاني  ویلي دي چې د ترکیې او قطر ترمنځه په قوي او ژورو اړیکو  افتخار کوي. هغه  ویلي دي چې  په ترکیه کې به نوې پانګه اچونې وکړي. هغه  زیاته کړه چې د ترکیې او قطر ترمنځه د اقتصادي اړیکو د لا پراختیا په خاطر  دم ګړۍ  قوي پوتانشیل  موجود  دی.

په ځانګړې توګه  د ترکیې نه  قطر ته  خوراکي توکو ، درملو او ساختماني موادو صادراتو په برخه کې. قطر کولی شي چې یاد شوي توکي د ترکیې نه وارد کړي. هغه ویلي دي چې تل په ترکیه کې د نوو پانګه اچونو په لټه کې دي. هغه  زیاته کړه چې  دم ګړۍ  د یو ترک شرکت سره په ګډه په قطر کې  د یو عشاریه ۴ میلیاردو ترکي لیرو  په ارزښت  د چرګانو  د یو فارم په جوړولو بوخت یو.

د صباح ورځپاڼې  « د ترکسل پروګرام  د ملګروملتونو د سازمان جایزه وګټله » د سرلیک لاندې لیکلي دي د ترکیې د یو خصوصي مخابراتي شرکت  ترکسل  « هیلو ته سلام » په نامه  پروګرام  د ملګروملتونو د معلوماتو او مخابراتو د څانګې د ټیلیکمونکیشن  د ټولنې د ۲۰۱۷ کال  جایزه  وګټله. په خبر کې راغلي دي چې  ترکسل  د مرحبا اوموت  په نامه  دا پروګرام  په ځانګړې توګه د سوري کډوالو  او ټولو هغه کسانو لپاره چې مورنۍ ژبه يي عربي ده  په عربي ژبه  د مرستې په خاطر جوړ کړی دی . دا پروګرام  د کولتوري او ژبې تنوع  په برخه کې  د جایزې لایق ګڼل شوی دی.

د خبرترک ورځپاڼې  « په ترکیه کې د پنځو کلونو په دننه  کې به د میلیونرانو شمیره دوه برابره شي  »  د سرلیک لاندې لیکلي دي، د نړۍ  پیژند شوي  څیړنیز  شرکت  بوستون کونسلیتینګ ګروپ  د ۲۰۱۷ د نړۍ د شتمنو  راپور جوړ کړی دی. د نوموړي راپور له مخې  په ۲۰۱۷ کال کې  شخصۍ  شتمني  د ۲۰۱۶ کال په پرتله  ۵ عشاریه ۳ سلنه  ډیره شوې ده  . په نړۍ کې  فردي شتمني  ۱۶۶ عشاریه ۵ تریلیونو ډالرو ته  رسیدلې ده .

د نوموړي راپور له مخې  په ترکیه کې په ۲۰۱۶ کال کې  د میلیونرانو شمیره  د صفر عشاریه ۲ په زیاتیدو سره  ۲۸ زرو تنو نه اوښتې ده . د نوموړي راپور له مخې  تمه کیږي چې تر ۲۰۲۱ کاله  په ترکیه کې د میلیونرانو  شمیره  د ۶۱ زرو تنو ته  واوړي. په راپور کې راغلي دي چې  د ترکیې په ګډون د منځني ختیځ او افریقا د سیمې  فردي شتمني د وروستیو پنځو کلونو راهیسې  تل د ودې په حال کې ده او ۸ عشاریه یو تریلیون ډالرو ته  رسیدلې ده .

د ینې شفق ورځپاڼې  « سرطان ناروغۍ ته  ملي حل  »  د سرلیک لاندې لیکلي دي د ایلکو د درملو شرکت  د سبانجي  پوهنتون  د ننوتکنالوژۍ د تحقیقاتو او ازموینو مرکز  د سرطان د ناروغۍ د ملي درملو  د جوړولو  په خاطر  د جوړې کړې پروژې لپاره  د ترکېې د علمي او تکنالوژیکو  څیړونو  د مرکز  نه  مرسته او ملاتړ  ترلاسه کړ. په خبر کې راغلي دي تمه کیږي چې دا پروژه  په څلورو کلونو کې سرته ورسیږي.ددې پروژې د چارو د سرته رسیدو سره به ترکیه  د نړۍ د بیوتکنالوژۍ په بازار کې  مهم ځای  خپل کړي.