د ترکیې د ورځپاڼو سرټکي

د ینې شفق ورځپاڼې  « اروپا ته د ترور  په برخه کې  خبرداری  »  د سرلیک لاندې لیکلي دي ، د ترکیې ولسمشر رجب طیب اردوغان  په استانبول کې  هیواد کې په لسګونو زرو تنو هیوادوالو ته په وینا کې  هالنډ، بلجیم، سویس او جرمني  ته  د ترهګرو نه د ملاتړ  او په ترکیه کې د اپریل په ۱۶ مه نیټه  په ترسره کیدونکې  ټولپوښتنه کې د مداخلې  له امله  سخت خبرداری ورکړ.

ولسمشر اردوغان  په اروپا غږ وکړ، که چیرې تاسې  د ترکیې خواشیني کولو هڅه کوئ  پخپله به خواشینې  شئ  . دا لا پیل دی . ولسمشر اردوغان  د سوریې په مسله کې  د ناټو  ځینو غړیو ته هم  خبرداری ورکړ. ولسمشر ټولو هغه هیوادونو او د ناټو سازمان هغه غړیو ته  چې  د پې کاکا ترهګرې ډلې د نظامي  څانګو پي وای ډي او وای پي جي نه  ملاتړ کوي  سخت خبرداری ورکړ. ولسمشر اردوغان وویل « هر هغه څوک  چې د پې کاکا ترهګرې ډلې او هغوې د څانګو سره  چې  په ترکیه کې  د خلکو ترمنځه د نفاق تخم کړي، ترهګریز فعالیتونه ترسره کوي، بې ګناه انسانان په قتل رسوي  او د هیواد د ویشلو  په خاطر هلې ځلې کوي مرسته او همکاري وکړي  پرته د کوم قید او شرط نه به ترینه  پوښتنه وکړو»

د حرییت ورځپاڼې  «  د بلغاریا په ټاکنو کې  ترکانو پر وړاندې خنډ  »  د سرلیک لاندې لیکلي دي، په بلغاریا کې  د تیرې ورځې په ټاکنو کې  د هغه ترکانو چې  د نوموړي هیواد تابعیت هم لري  د رای ورکولو  د مخنیوي په خاطر  ډول ډول خنډونه  جوړل کړل.

بلغاریا  حکومت  د رای ورکولو په کریل خط باندې د ورځ عرض  کول  جبري کړي ول  . همداشان  ویلي وو چې هر رای ورکوونکی  باید  ورق عرض په خپل لاس ولیکې چې دې  خنډ  په ټاکنو کې د یو زیات شمیر ترکانو د ګډون مخه ونیوله.

د حرییت ورځپاڼې  «  روسانو لپاره پرته د پاسپورته ترکیې ته د سفر په خاطر اسانتیاوې  »  د سرلیک لاندې لیکلي دي، د ترکیې  د بهرنیو چارو وزیر مولود چاووش اوغلو چې  د ټولپوښتنې د کمپاین په خاطر  انتالیا ولایت ته سفر کړی وو هلته د میشتو روسانو سره  ولیدل. بهرنیو چارو وزیر  د روسانو سره په لیدنه کې هغوې ته یو زیری ورکړ. هغه وویل چې  روسانو ته  ترکیې ته د سفر پر مهال پرته د پاسپورته د سفر کولو  په برخه کې په اسانتیا راوستو کار کوي. هغه وویل  پداسې یو سیستم  کار کوو چې  روسان  پرته د پاسپورته د پیژند پاڼې سره  وکولای شي چې ترکیې ته راشي. پدې اړه به ځانګړي ماشینونه جوړ  او په فعالیت به پيل وکړي.

د صباح ورځپاڼې لیکلي دي چې  د ترکیې  د موټر جوړولو  سکتور  د ۲۰۱۷ لپاره ستر هدف  ټاکلی دی.

د ترکیې د موټر جوړولو سکتور چې په ۲۰۱۶ کال کې د تولیداتو او صادراتو سره  سره  ریکاټ ټینګ کړی وو غواړي چې په ۲۰۱۷ کال کې  نوی ریکاټ ټینګ کړي.

د ترکیې د موټر جوړولو  سکتور  په ۲۰۱۷ کال کې د تولیداتو او صادراتو کچه  لوړه کړې ده. په پام کې لري چې  په ۲۰۱۷ کال کې  د یو میلیون او ۶۵۰ زره موټرو د تولید او یو میلیون او ۳۵۰ زرو موټرو د صادراتو سره  ۲۷ میلیارده ډالره صادرات وکړي.