د ترکیې د ورځپاڼو سرټکي

د ینې شفق ورځپاڼې  « امریکا  باید  ترهګریزو سازمانونو ته د مشروعیت ورکولو مسلې نه باید لاس په سر شي  »  د سرلیک لاندې لیکلي دي، د ترکیې د ولسمشر ویاند  ابراهیم  قالن وویل چې امریکا باید هر څه ژر  ترهګریزو سازمانونو ته  د مشروعیت ورکولو مسلې ته د پای ټکی کیږدي. ابراهیم  قالن  د ټولنیزې مډیا له لارې د امریکا د مرکزي ځواکونو  د قومندانۍ  په رسمي سایټ کې د خپور شوي هغه خبر په غبرګون کې چې ویلي  دي  د پي وای ډي او وای پي جي ترهګرې ډلې  د پې کاکا ترهګرې ډلې سره  هیڅډول اړیکه نلري  وویل ، د امریکا د مرکزي ځواکونو قومنداني  د ترهګرو سازمانونو پر خلاف د مبارزې پر ځای هغوې ته  مشروعیت ورکوي.هغه ویلي دي چې  دا څه ډول  منطق  دی؟ ایا څوک  ددې په صمیمیت  باور لري؟ امریکا  باید  هر څه ژر ترهګریزو سازمانونو  ته د مشروعیت ورکولو  هلې ځلې پایته ورسوي.

د خبرترک ورځپاڼې  « د فتح الله ګولن سازمان پې کاکا او داعش ترهګرو سازمانونو سره د استخباراتو مرسته کوي  »  د سرلیک لاندې لیکلي دي، د ترکیې د کورنیو چارو وزیر  سلیمان سویلو  د سفیرانو نهم  کنفرانس ته د وینا په ترڅ کې وویل « د فتح الله ګولن ترهګریز سازمان  د داعش  او پې کاکا ترهګریزو سازمانونو سره  د استخباراتو مرسته کوي. هغوې ته هر ډول  استخبارات برابروي. د جولای د ۱۵ مې کودتا نه مخکې  د فتح الله ګولن ترهګریز سازمان  د پې کاکا ترهګرې ډلې ته  په هغه عسکرو چې په کودتا کې  لاس لري  د برید نه کولو هدایت ورکړی وو. دا پخپله د هغوې ترمنځه  د قوي همکارۍ یوه ښکاره  بیلګه ده.»

د کورنیو چارو وزیر وویل چې  د فتح الله ګولن ، پې کاکا او داعش ترهګریز سازمانونه په نړۍواله کچه  قوي  اړیکې  لري. هغه وویل چې د فتح الله ګولن ترهګریز سازمان یو ډیر خطرناکه  سازمان دی  خو له بده مرغه چې  اروپا يي په اړه کافي معلومات نلري.

د سټار ورځپاڼې  « زمونږ ترمنځه نقاق  رامنځته کولی نشي  »  د سرلیک لاندې لیکلي دي، د ترکیې د ولسمشر رجب طیب اردوغان  میرمن امنې اردوغان په انقره کې د سفیرانو د میرمنو په ویاړ  میلمستیا  جوړه کړه.

هغه پدې میلمستیا کې د سفیرانو میرمنو ته په خطاب کې په وینا کې وویل « ترهګریز سازمانونه غواړي چې په ترکیه کې  د خاینو بریدونو سره  د خلکو ترمنځه  د نفاق  رامنځته کړي. ترکیه  اوس هغه پخوانۍ  ترکیه نده. هیڅوک  زمونږ  ملت  د دیني ، مذهبي، قومي  او عقیدتي  مسلو  په بهانه  د یو بل نه جلا کولی نشي. مونږ  ټول پدې پوره باور لرو  چې  د ټولو  توپیرونو  سره  یو موټی  یو. »

هغې زیاته کړه چې په هیواد کې د اتحاد او اتفاق د لا پیاوړتیا په خاطر به د خپل وس او توانه پورې کار وکړو.  د ولسمشر میرمن وویل چې  « لویدیځۍ نړۍ  د جولای په ۱۵ مه د فتح الله ګولن ترهګریز سازمان لخوا د ناکامې کودتا په مقابل کې د ترک ملت  په شهامت ، قربانیو  او د ډیموکراسۍ  نه  د دفاع په خاطر  په ترسره کړو ټولو فداکاریو  سترګې پټې کړې. لویدیځه نړۍ  نن ورځ د کودتاچیانو نه  ملاتړ کوي . کودتاچیانو ته پناه ورکوي  .

د صباح ورځپاڼې  «  د بي بي سي خبریال : ترکیه د لندن نه لا باامنه  دی   »  د سرلیک لاندې لیکلي دي، د د بي بی سي تلویزیون چې تل د ترکیې پر خلاف د خبرونو نشرولو ته  ترجیح ورکوي  یو مهم  خبریال  مایکل بورک  ، وویل چې  په ترکیه کې ځان د لندن په پرتله  لا په امنیت کې احساسوي. نوموړی چې د اوږدې مودې راهیسې  د بي بي سي لپاره  په بهر کې خبریالي کوي  په ترکیه کې وروستیو ترهګریزو پیښو ته په اشارې سره وویل « نن ورځ د ترهګرو نه د نړۍ هیڅکوم سیمه  په امن کې پاتې نده. زه  په ترکیه کې ځان  د لندن په پرتله  لا په امن کې احساسوم.»

هغه ویلي دي چې د ۲۵ کلونو راهیسې  د ترکیې د مدیترانې په سواحلو کې  د کښتیو سپورت  په برخه کې  لوبه کوم. غواړم چې هر سړی  ددې ښکلا نه  برښمند شي.

د وطن ورځپاڼې  « د ترکیې ملکي هوايي شرکت په ۲۰۱۶ کال کې ۶۲ عشاریه ۸ میلیونه تنه مساپر انتقال کړي دي »  د سرلیک لاندې لیکلي دي د ترکیې د ملکي هوايي چلند شرکت  ترکش ایرلایین  د مساپرو شمیره په ۲۰۱۶ کال کې  ۲ عشاریه ۵  ډیره شوې ده .

په ۲۰۱۶ کال کې دې شرکت د خپلو الوتنو  شمره د ۲۸۴ نه  ۲۹۵ ته  لوړه کړه.

همداشان  دې شرکت د خپلو الوتکو شمیره هم  ۳۳۴ ته  لوړه کړې ده .