د ترکیې د ورځپاڼو سرټکي

د صباح ورځپاڼې  « د اروپايي ټولنې پر خلاف د ترکانو سخت غبرګون  »  د سرلیک لاندې لیکلي دي ، د ترکیې په اړه د اروپايي ټولنې  بې عدالتي  او ناحقه تورونو  په اروپا کې د میشتو ترکانو سخت غبرګون پارولی دی. د ویلو ده چي  د تیرې خالي په ورځ  په جرمني او بلجیم کې  د لسګونو زرو تنو ترکانو په ګډون  « په ترهګرۍ د لعنت او دیموکراسۍ ته د بلنې » تر نامه لاندې  لاریون وشو. همداشان  پرون بیا  په هالنډ او فرانسه کې  د لس ګونو زرو تنو په ګډون  د ترهګرو  او د هغوې د ملاتړ کوونکو پر خلاف  لاریون وشو. مظاهره کوونکو  « اروپا ! د پې کاکا، داعش، فتح الله ګولن، پي وای ډي او وای پي جي ترهګرو نه د ملاتړ نه لاس واخلۍ »  « اروپا د ترهګرو نه ملاتړ مکوۍ » په څیر  شعارونه ورکول. په خبر کې راغلي دي چې په اروپا کې  په لسګونو ملکي ټولنو  او سازمانونو د نوموړو لاریونونو نه  ملاتړ وکړ. همداشان  د فرانسې په نامتو د رپبلیکا  په میدان کې  په لسګونو زره تنه  ترکان راغونډ شول  او د ترهګرو پر خلاف يي مظاهره وکړه. د هالنډ د روتردام په ښار کې هم د لسګونو زرو تنو ترکانو په ګډون  ستر لاریون وشو. لاریون کوونکو د زورور باران  او باد  سره سره  د اروپايي هیوادونو پر خلاف چې د ترهګرو نه ملاتړ کوي  سخت غبرګون وښود. همداشان  په بلجیم کې  د اروپايي ټولنې د عمومي مرکز په مخکې په لسګونو زره تنه راټول شول  او ترهګرو پر خلاف يي غونډه وکړه.

د حرییت ورځپاڼې  «  د قبرس د ستونزې د حل په خاطر هلې ځلې  »  د سرلیک لاندې لیکلي دي ، د قبرس د روانې ستونزې د حل په خاطر  د ملګروملتونو په منځګړتوب  په سویس کې  پیل شوي مذاکرات په پام کې ده چې نن پایته ورسیږي. ورځپاڼې لیکلي دي پداسې حال کې چې د قبرس د ستونزې په اړه په سویس کې مذاکراتو دوام  درلود  د ترکیې ولسمشر رجب طیب اردوغان  د مسلې په اړه  د یونان د لومړي وزیر الکسیس چیپراس سره د ټیلیفون په کرښه خبرې وکړې. دواړو مشرانو  د دسمبر په میاشت کې  په سویس کې  د جوړیدونکي سرمشریزې  چې د قبرس ضمانت کوونکي هیوادونه  ترکیه ، یونان او انګلستان هم  پکې ګډون کوي  په اړه خبرې وکړې.

د خبرترک ورځپاڼې  لیکلي دي  ، په استانبول کې  جوړیدونکی  نوی هوايي ډګر به په یو زیات شمیر برخو کې د نړۍ تر ټولو  د لوی هوايي ډګر  عنوان  خپل کړي. په خبر کې راغلي دي چې  یواځې  د نوموړي هوايي ډګر  په اتو ځغاست لیکو کې به ۸۰۰ تنه  د هوايي ټرافیک د تنظیم  په خاطر  په دنده  وګمارل شي.

د استانبول  دریم  لوی هوايي ډګر  لومړنۍ  برخه به  د ۲۰۱۸ کال د فبروري په میاشت کې په فعالیت   پیل وکړي. د ویلو ده چې دا هوايي ډګر چې په څلور جلا جلا برخو کې جوړیږي  د ۹۰ میلیونو تنو مساپرو د ظرفیت په لویوالي سره  جوړیږي. په لومړني پړاو کې به د نړۍ ۲۵۰ هوايي شرکتونه  یواځې  ددې هوايي ډګر  په یوې برخه کې  په فعالیت پيل وکړي. د نوموړي هوايي ډګر د لومړنۍ  برخې  د فعالیدو سره  به  په ورځ کې  ۲ زره الوتکې  الوتنې وکړي.

د وطن ورځپاڼې  لیکلي دي د ټیوټا  شرکت  د ۳۵ میلیونو ایرو په پانګه اچونې سره  د ترکیې د سکاریا په ولایت کې  نوې فابریکه  جوړه کړه. ددې فابریکې  ترکي انجینیران  چې  د ټیوټا  د C-HR  ماډل  داخلي  برخه يي  ډیزاین  کړې وه  د کار کولو په خاطر  ټیوټا موټر مرکز  جاپان ته واستول شول. په خبر کې راغلي دي چې  د محمد فاتح قالا په مشرۍ  ډله  به ددینه وروسته  د ټیوټا په اصلي مرکز  جاپان کې  کار وکړي. ورځپاڼې لیکلي دي چې ددینه وروسته  په ځانګړې توګه  د C-HR  ماډل  ټیوټا  موټر داخلي  برخه به  د ترکي انجنیرانو لخوا جوړه شي. ترکي انجینیرانو ویلي دي چې  دوی  یواځې د اروپا لپاره  د جوړیدونکو موټر داخلي  برخه  طرحه او ډیزاین کړې وه چې  دا ډیزاین  د ټیوټا د شرکت لخوا ډیر خوښ شو او د ټولو  موټرو لپاره  غوره شو.

د ینې شفق ورځپاڼې لیکلي دي چې د ترکیې د سوداګریزو خونو او سهامونو د بازارونو ټولنه  د عربي نړۍ د سوداګریزو خونو د ټولنې سره  د نوامبر په ۲۴مه نیټه  په استانبول کې د تړون د لاسلیکولو سره د ترکیې او عربي نړۍ ګډه سوداګریزه خونه جوړوي.

د ویلو ده چې  دا خونه به د ۲۲ عربي هیوادونو او ترکیې سوداګرو ترمنځه په ګډه کار کولو ته  زمینه برابره کړي.

د ترکیې د سوداګریزو خونو او اسهامو د بازارونو د ټولنې ریس رفعت هسارجک اوغلو د ترکیې او عربي هیوادونو د ګډه سوداګریزې خونې د جوړیدو په اړه وویل « دا خونه  به د ترکیې او عربي هیوادونو ترمنځه  سوداګریزې او اقتصادي اړیکې لا پسې قوي کړي. د ویلو ده چې د عربي نړۍ سوداګریزه خونه  په ۱۹۵۱ کال کې تاسیس شوې او مرکز يي په بیروت کې  قرار لري.

سعودي عربستان، قطر، بحرین، متحده عربي امارات، کویټ او عمان په څیر  د خلیج بډایه هیوادونه  ددې خونې غړیتوب لري.