Швейцариянын элчиси тышкы иштер министрлигине чакырылды

Швейцариянын Цюрих шаарында президент Режеп Таййип Эрдоганды бутага алган провокациялык митингден кийин Швейцариянын Анкара элчиси Жан Даниел Рух тышкы иштер министрлигине чакырылды.

Дипломатиялык булактар ​​Цюрихте президент Эрдоганды бутага алган макетти өрттөп, баннер ачылган окуядан кийин Швейцариянын Анкарадагы элчиси Рух, министрдин орун басары жана Европа Биримдиги  элчиси Мехмет Кемал Бозай тарабынан тышкы иштер  министрлигине чакырылганын маалымдашты.

Жолугушууда элчи Рухка президент Эрдоганды бутага алган бул провокациялык кыймылдын кабыл алынгыс  экендиги баса белгиленди.

Мындай чагымчыл аракеттерге жол берилбеши керектиги баса белгиленип, окуя боюнча териштирүүнүн башталышы, күнөөлүүлөр аныкталып, тез арада керектүү чаралардын көрүлүшү талап кылынды.

Бир тараптан Адилеттик жана өнүгүү партиясынын төрага орун басары жана партиянын басма сөз катчысы Өмер Челик социалдык медиа эсебинен билдирүү жасап, Швейцариядагы провокацияны айыптады.

Өмер Челик : «Террордук уюм ПККнын Швейцариядагы колдоочуларынын түрк желегин жана президентибиз Режеп Таййип Эрдоганды бутага алган жийиркеничтүү кол салууну айыптайбыз»,-деди.