ТРТ Радио


Түркияда радио тармагындагы берүүлөр 1927-жылы 6-майда дээрлик дүйнө жүзү менен бир эле убакта башталган. 1964-жылы 1-майда ТРТнын түзүлүшү менен бул тармак жаңы ылдамдыкка ээ болгон.

 Учурда ТРТнын радиолору; мамлекеттик берүүлөрдүн жоопкерчилиги, тарапсыз жана принциптүү эфир түшүнүгү, туура жана таза түрк тили, кабар, маалымат, билим-берүү, маданият, музыка жана көңүл ачуу мазмунундагы берүүлөрү менен өлкөнүн бардык жерине, коомчулуктун ар бир катмарына үн салууда. 

ТРТнын Түркиядагы радиолору; «Радио-1», «Радио-2» (  TRT FM) «Радио-3», «Радио-4», 5 аймактык радиолор (Анталия, Чукурова, ГАП-Диярбакыр, Эрзурум, Трабзон) түрк санат музыкасын сүйгөндөр үчүн «ТРТ-Нагме», түркү угармандарына карата  «ТРТ-Түркү», «ТРТ радио кабар каналы» жана эл аралык радио каналдары «Түркия үнү» радиосу (32 тилде) жана «Европа FM» менен радио берүү тармагында өлкөбүздө жана дүйнөдө таасирдүү күч абалында.

 

«Радио-1»

Билим-берүү, маданият, кабар каналы... Маалыматка, үйрөнүүгө муктаждыгы болгон ар ким үчүн 24 саат үзгүлтүксүз эфир...Жүздөгөн стерео жайгычыменен Түркиянын ар тарабында, спутниктен жана интернеттен бүткүл дүйнөдө...Илим, өнөр, адабият, театр, спорт, экология, экономика, дегеле жашоого байланыштуу бардык нерсе бул каналда. Туура, тарапсыз, ылдам кабарчылык... «ТРТ-Радио-1» 1927-жылдан бери радиоңуз болгон бардык жерде...

 

«Радио-2» (ТРТ-FM)ТРТнын ыкмасы жана сапаты менен күнүгө 24 саат боюнча сиздер менен... Жандуу, көңүлдүү, шаңдуу жаңырып турат... Тизмеленген ырлар, эң көп талап болгон ырлар.  Жүздөгөн стерео жайгычы жана 99,9 пайыздык камтуу аянты менен Түркиянын бардык жеринде, спутниктен жана интернеттен бүткүл дүйнөдө угулат. Сырдашыңыз, досуңуз, жол жүрүүдөгү эрмегиңиз болот. «ТРТ FM» -алысты жакын кылган радио!

 

«Радио-3» Элвис Преслиден Жоан Баэзге чейин, Фрэнк Синатрадан Чайковскийге чейин, Моцарттан Сара Вонго чейин созулган музыканын эң кеңири тандамал үлгүлөрүн берген, классика менен заманбапты бириктирген радио. ТРТ сапаты менен 24 саат стерео берүүсү Түркиянын ар тарабында, спутниктен жана интернеттен бүткүл дүйнөдө... «ТРТ Радио-3» музыкада сапаттын аты.

 

 

«Радио-4»

Салттык санат жана элдик музыкабыздын жемиштери бул бакчада... Саз семаилери, лонгалар, увертюралар, сүйүүгө толгон ырлар, узун ырлар, хойрат ырлары, Анадолуну ар тараптуу сүрөттөгөн түркүлөр... Өткөндөн ушул убакка чейинки үн жана саз устаттарыбыз... Бардыгы ушул каналда... ТРТ сапаты менен күнүгө 24 саат ободо. Түркиянын ар тарабында, спутник жана интернет аркылуу бүткүл дүйнөдө... «ТРТ-Радио-4» сагыныч жазылуучу жер...

«TРТ-Түркү»2009-жылы 1-июлда эфирин баштаган «ТРТ Түркү», FM, интернет жана спутник аркылуу түркү сүйүүчүлөрүнө кайрылган бир канал. Угармандардын түрк элдик музыкасына кызыгуусун жогорулатуу оюу менен жолго чыккан «ТРТ-Түркү», 24 саат боюнча үзгүлтүксүз түрдө бул ыр формасынын тандамал үлгүлөрүн тартуулайт. Берүүлөрүндө орток мурасыбыз болгон элдик музыка чыгармаларына орун берилип, элдик маданияттын жашатылышына жана жайылтылышына да салымын кошууда.

 

«TРТ-Нагме»2009-жылдын 6-майында эфирин баштаган «ТРТ- Нагме»,  FM, интернет жана спутник аркылуу түрк санат музыкасын сүйүүчүлөр менен кездешүүдө. «ТРТ-Нагме» берүүлөрүндө 24 саат үзгүлтүксүз түрк санат музыкасына орун берилет. ТРТнын архивинен тандалма чыгармалар жана жаңы жазылган чыгармалар ТРТ сапаты менен «ТРТ-Нагмеде» ойнотулууда.  

 

«TРТ-Радио Хабер»Түркия жана дүйнөнүн күн тартибиндеги окуялар, окуялардын анализи-«ТРТ Радио Хаберде»... 24 саат үзгүлтүксүз эфирге чыккан «ТРТ-Радио Хабер», «ТРТ-1», «ТРТ-Түрк» жана «ТРТ-Хабер» телекөрсөтүү каналдарындагы жаңылык программаларын кезеги менен жана бир эле убакта берип келет. Жаңылыктарды ТРТ айырмачылыгы менен радиодон уккусу келгендер FM, интернет жана спутник аркылуу обого чыккан «ТРТ-Радио Хаберде» кездешишет.

 

«Түркия Үнү» радиосу Кыска толкундуу Анкара радиосунан «Түркия үнү» радиосуна чейин 70 жылдан ашык убакыттан бери Түркиянын үнү бүткүл дүйнөгө жаңырууда. Жаңылык-спорт, маданият-чеберчилик, музыка-көңүл ачуу... «Түркия үнү» радиосу- чет өлкөдө жашаган жарандар жана тектештерибиздин Түркия жана түрк маданияты менен болгон байланышы, маселелеринин колдоочусу, кайгы жана кубанычтарынын бөлүшүүчүсү... Кыска толкунда, жергиликтүү FMрадиолорунда, спутникте жана интернетте... 24 саат үзгүлтүксүз эфирде... Дүйнө жүзүнүн кайсы жеринде болсоңуздар да «Түркия үнү» радиосун уга аласыздар..

 

«Радио-6»Өлкөбүздүн биримдик жана бүтүндүгүнө салым кошууну максаттаган, заманбап форматтагы эфир түшүнүгү менен ар бир жаш курагындагы угармандарга кайрылган күрт тилиндеги радио каналы... 2009-жылы 1-майда эфирин баштаган «Радио-6» Түштүк Чыгыш Анадолу аймагына үнүн жеткирүүдө. Аймак калкы менен мамлекеттин ортосундагы байланышты күчтөндүргөн Түркиянын, эл аралык карым-катнаштарына да оң таасир берүүдө...          

 

«ТРТ-ЕвропаFM»ТҮРКИЯДАН ЧЫККАН ДАГЫ БИР ҮН...  Жашоонун күлүмсүрөткөн убактары, улуу көчтөр, ийгилик баяндары, өлкөбүздүн баалуулуктары, дүйнөнүн төрт бурчундагы «биз бизге окшойбуз» сыяктуу абалдарыбыз жана көп сандаган музыка... Жаштар жана жаштыкты колдон чыгарбагандар үчүн музыка жана маектешүү «ТРТ-Европа FMде»...    «ТРТ-Европа FM» интернетте, спутникте жана кабелдүү берүүдө, жуманын ичинде күнүгө Түркия убактысы боюнча саат     09.00-18.00 арасында ободо...Жактырган бир ырыңызды уккуңуз келсе, бир жакыныңызга арноо тартуулагыңыз келсе же ой-пикир, сезимдериңизди бөлүшкүңүз келсе, Түркиянын шаңдуу үнү «ТРТ-Европа FM» бир көз ирмем жакыныңызда турат. 

www.trt.net.tr/Radyo