Австралияда аскер бөлмөсүндөгү уран

Австралиядагы казармада бир аскердин бөлмөсүнөн уран табылды.

Сиднейдеги Холсуорси казармасында аскердин бөлмөсүнө рейд учурунда уран колго түшүрүлдү.

Австралиянын телерадиоберүү корпорациясынын (ABC) кабарына караганда, Коргоо министрлиги темага байланыштуу билдирүүсүндө «потенциалдуу коркунучтуу заттын бөлмөдөн чыгарылганын» жана «армиянын ишмердүүлүгү менен байланышы жок» экенин баса белгиледи.

Рейдде колго түшүрүлгөн «аз сандагы» урандын көзөмөлгө алынганы билдирилип, аскердин бул затты интернет аркылуу сатып алганы кабарланды.