Зеленский: «Орусияга каршы контр чабуулга чоң чечкиндүүлүк менен даярданып жатабыз»
Зеленский Италияга барды, андан кийин Германияга кетти.
Украинанын президенти Владимир Зеленский 2022-жылдын 24-февралында башталган согушта Орусияга каршы контр чабуулга чоң чечкиндүүлүк менен даярданып жатышканын айтты.
Зеленский Италияга барды, андан кийин Германияга кетти.
Италияда сүйлөшүүлөрдү жүргүзгөн Зеленский Италиянын мамлекеттик телеканалында журналисттердин суроолоруна жооп берди.
Зеленский согушта Орусияга каршы контр чабуулга абдан чечкиндүүлүк менен даярданышкандарын, кыска убакытта маанилүү кадамдарды таштай тургандарын жана буга түрткү болгондорун айтты.
Украинанын президенти ошондой эле эгер украин армиясы Крым чек арасына жетсе, Орусияда президент Владимир Путинди колдоо азаят деп сунуштады.
Кытайдын төрагасы Си Цзиньпин менен болгон телефон сүйлөшүүсүнө токтолгон Зеленский, Си ага Орусияга курал-жарак бербейбиз жана Орусияны колдобойбуз деп айтканын белгиледи.
Зеленский италиялык жолугушууларынын алкагында президент Сержио Маттарелла, премьер-министр Жорджия Мелони жана Рим папасы Франциск менен жолугушту. Украинанын лидери, андан кийин Германияга жөнөп кетти.
Германиянын Коргоо министрлиги Украинага 3 миллиард долларлык аскердик техника жөнөтүлө турганын жарыялады.
Талаада катуу кагылышуулар уланууда.
Орусиянын Брянск шаарында согуштук учак менен тик учак атып түшүрүлдү.
Украинанын Коргоо министрлиги Бахмутта эки багытта жылыш болгонун жарыялады. Билдирүүдө шаардын борборунда кырдаал татаалыраак экени айтылган.
