Босния - Герцеговина жана Сербияда нөшөрлөп жааган  жамгыр селге себеп болду

Босния - Герцеговина жана Сербияда таасирдүү болгон  жамгыр селге себеп болду.

Босния -  Герцеговинанын түштүгүндөгү Конжичте кечээ кечинде  жааган жамгырдын кесепетинен сел жүрүп, Неретва жана Требизат дарыяларында суунун деңгээли көтөрүлдү.

Конжичтин кээ бир аймактарында сел жүрсө, өлкөнүн түштүгүндөгү башка шаарларда да көптөгөн үйлөрдү суу каптады.

Борбор шаар  Сараеводо түнкү жааган жамгырдын натыйжасында кээ бир үйлөрдүн жер төлөлөрүн суу каптап, шаардын ортосунан өткөн Мильяцка дарыясында суунун деңгээли көтөрүлдү.

Босния - Герцеговина Федерациясынын Метеорология институту бүгүн өлкөнүн түштүк жана түштүк - батыш аймактарында нөшөрлөгөн жамгырдын улана турганы боюнча  эскертти.

Сербияда катуу жааган жамгыр  өлкөнүн түштүк батышындагы Сьеница шаарына таасир этип, Грабовица дарыясынын ташкынынан улам көптөгөн үйлөрдү суу каптады.

Серб Суу чарба директору Горан Пузович жамгырдын бүгүн да улана турганын белгилеп, өлкөнүн түштүгүндөгү дарыяларда суунун деңгээли көтөрүлгөнүн айтты.

Метеорология биримдиги да Сербиянын түштүк аймактарында жаан-чачын жана катуу шамалдан улам «кызыл эскертүүнүн» берилгендигин айтып,  жарандарды эскертти.