Министр Акар Хасанов және Хаддадты қабылдады
Акар Әзербайжан Қорғаныс министрі және Ливия Бас штаб басқармасы төрағасын қабылдады.
Ұлттық Қорғаныс министрі Хулуси Акар Әзербайжан Қорғаныс министрі генерал Закир Хасановпен бас қосты. Артынан Ливия Бас штаб басқармасы төрағасы Хаддадты қабылдады.
Министр Акар Халықаралық қорғаныс өнеркәсібі көрмесі (IDEF'21) аясында Әзербайжан Қорғаныс министрі Хасановпен бас қосты.
Кездесу барысында екіжақты және аймақтық қорғаныс, қауіпсіздік пен қорғаныс өнеркәсібінде ынтымақтастық туралы пікір алмасылғаны атап көрсетілді.
Арменияның соңғы кездері Әзербайжан шекарасында жасаған шабуылдары күн тәртіпке келген кездесуде Акардың Әзербайжанның әділ күресінде Түркияның әрдайым бауырларының жанында екенін баса айтқаны білдірілді.
Акар кейін Ливия Бас штаб басқармасы төрағасы генерал Мұхаммед Али Хаддадпен кездесті. Акар Халықаралық қорғаныс өнеркәсібі жәрмеңкесі (IDEF'21) аясында Ливия Бас штаб басқармасы төрағасы генерал Мұхаммед Али Хаддадпен бас қосты. Екі жақты және аймақтық қорғаныс пен қауіпсіздік мәселелері талқыланған қабылдауда Акар екі ел арасындағы 500 жылдық бауырластыққа баса назар аударып, Түркияның Ливияда шетелдік күш емес екенін, «Ливия ливиялықтардікі» түсінігімен заңды күрестерінде ливиялық бауырларының жанында болуды жалғастыратынын атап көрсетті.
Акар сонымен қатар IDEF'21 аясында Косово Қорғаныс министрі Мехажмен де бас қосты. Кездесу барысында екіжақты және аймақтық қорғаныс пен қауіпсіздік мәселелері бойынша пікір алмасылды.
