Президент Ердоған Аналар күніне орай құттықтау жариялады

Коммуникация басқармасының мәлімдемесіне қарағанда «Болашақ ұрпақты тәрбиелеуде ең үлкен жауапкершілікті мойындаған, пидақорлық пен шексіз сүйіспеншіліктің символы, ең құнды баспанамыз, алғашқы ұстаздарымыздың Аналар күнін шын жүректен құттықтаймын» деген Ердоған «Барша үшін мейірімділік пен сенімділіктің ұясы болған аналарымыз “Жұмақтың аналардың аяғы астында екеніне” сенетін біздер үшін аса қадірлі. Аналарымыз келешекке аманат қалдырған балаларымыз бен жас өспірімдеріміздің сезімталдығын, ойлары мен мінездерін қалыптастыруда маңызды рөл ойнауда. Бір жақты сүйіспеншілік, сабыр және пидақорлық сияқты ұлы қасиеттерімен қоғамға үлгілі болады. Балалары үшін әрдайым қиыншылықтарға шыдайтын және шексіз мейірімімен бізді жетелеген аналарымыздың қажеттіліктері мен армандарын орындау, бақытты және тыныштығын қамтамасыз ету, өмір салтын жақсарту үшін тоқтамай жұмыстарымызды жалғастырамыз. Болашағымыз бен ынтымақтастығымыздың ең маңызды сәулетшілері болған аналарымызды Аналар күнімен құттықтай отырып, дүниеден озған аналарымызды Алланың рақымымен еске аламын» деді.