Сирия үшін Анкарада бас қосады
Путин мен Рухани Түркияға келеді.
Президент Режеп Тайып Ердоған, Ресей президенті Владимир Путин және Иран президенті Хасан Рухани Сирия үштік саммиті аясында 4 сәуір күні Анкарада бас қосады.
Саммиттің басты тақырыбы – Сирияда саяси шешім.
Сирияның территория тұтастығының сақталуы, Астана процесі нәтижесінде қалыптастырылған қақтығыстарды бәсеңдету аймақтары, саяси шешім үшін басылатын қадамдар мен терроризммен күрес осы самитте қаралады.
Сирия саммитінен бір күн бұрын 3 сәуір күні Түркия-Ресей Жоғары деңгейдегі ынтымақтастық кеңесінің жетінші жиналысы өткізіледі.
Ердоған мен Путин басшылығында өтетін жиналыста екі жақты қарым-қатынастар ауқымды түрде қолға алынады.
Экономика тақырыбында Түрік ағыны жобасы, Аккую атом стансасы мен S-400 әуеден қорғаныс жүйесі қарастырылады.
Ердоған мен Путин Аккую атом стансасының ресми іргетас қалау рәсіміне де қатысады.
