Израиль жауыздығы жалғасуда
Израиль армиясының Газа секторына жасаған шабуылында тағы 22 палестиналық қаза тапты.
Палестинаның “WAFA” ресми ақпарат агенттігінің хабарлауынша, Израиль армиясының Газа қаласының батысындағы Әбу Хусайра көшесінде ат-Тертури отбасына тиесілі үйді нысанаға алуы кесірінен әйелдер мен балалар да бар кемінде 5 палестиналық қаза тапты.
Газа қаласының оңтүстігіндегі Сабра ауданында Израиль соғыс ұшақтарының Хиджази отбасына тиесілі үйді бомбалауы кесірінен 2 палестиналық әйел қаза тапты, кейбірі үйінді астында қалды.
Газа секторының оңтүстігінде Рафах қаласының шығысындағы Йенина ауданында Израиль әскери ұшақтарының «Хатиб» отбасына тиесілі үйді нысанаға алуы салдарынан кемінде 4 палестиналық қаза тауып, көп адам жараланды.
Израиль армиясының Рафах қаласының орталығындағы Шабура босқындар лагерінде қоныс аударған палестиналықтардың тұрған «Хавакат» отбасына тиесілі үйді бомбалауы кесірінен 6 палестиналық көз жұмды.
Израиль әскерінің Рафахтағы «Әбу Таха» отбасына тиесілі үйді нысанаға алуы салдарынан 5 палестиналық ажал құшты.
