Израиль Ливанға шабуыл жасады
Израиль әскери ұшақтарының әуе шабуылынан 7 адам қаза тапты, 4 адам жарақат алды.
Израиль әскери ұшақтарының Ливанның оңтүстігінде жасаған әуе шабуылында 7 адам қаза тапты, 4 адам жарақат алды.
Палестинаның ресми агенттігі «WAFA»-ның хабарына қарағанда Ливандағы Азаматтық қорғаныс ұйымының дереккөздері Израиль әскери ұшақтарының елдің оңтүстігіндегі Әл-Хаббария қаласында Ислам медициналық қоғамына тиесілі нысандарға көптеген зымыран мен әуе шабуылы жасағанын білдірді.
Ақпарат көздерінің хабарлауынша шабуыл салдарынан 7 адам қаза тауып, 4 адам жарақат алды.
Израиль армиясының Ливанның шығысындағы Бекаа алқабындағы Хизбуллах нысаналарына жасаған әуе шабуылында болса 2 адам қаза тауып, 1 адам жараланды.
Хизбуллах болса бүгін таңертең Ливанның оңтүстігінен Израильдің солтүстігіндегі Кирят Шмона аймағына зымырандық шабуыл жасады, шабуылда 1 адам қаза тапты.
Израиль армиясы қақтығыс салдарынан шиеленіс күшейген Ливан шекарасында кейбір жолдарды азаматтық көлік қозғалысына жапты.
Израиль армиясы мен Хизбуллах қозғалысы арасында 8 қазан күнінен бері жалғасып жатқан қақтығыстарда 246 Хизбуллах мүшесі, 50 ливандық бейбіт тұрғын, 12 Эмел қозғалысы, 13 Хамас, 12 Исламдық жиһад қозғалысы мүшелері және 6 Израиль азаматы мен 11 сарбазы қаза тапты.
Ұқсас жаңалықтар
Путин Қытайға барады
Ресей басшысы қытайлық әріптесі Си Цзиньпиннің шақыруымен 16 және 17 мамырда осы елге барады.
Индонезияда көшкін мен су тасқынынан қаза тапқандар саны артуда
Индонезия Ұлттық Апатпен күрес агенттігі елдегі соңғы жағдайға қатысты мәлімдеме жасады.