Израиль мен Хамас арасындағы атыс уақытша тоқтатылды
АҚШ Израиль үкіметі мен Хамас арасында жасалған тұтқын алмасу келісімін құптауда.
Америка Құрама Штаттары (АҚШ) президенті Джо Байден мен АҚШ Мемлекеттік хатшысы Энтони Блинкен Израиль үкіметі мен Хамас арасында қол жеткізілген тұтқын алмасу келісімін құптады.
Байден жазбаша мәлімдемесінде Израиль үкіметі мен Хамас арасында жасалған тұтқын алмасу келісімін құптағанын білдірді.
Катар Әмірі Тамим ибн Хамад Әл-Сани мен Мысыр президенті Абдель Фаттах әл-Сисиге келісімде рөл атқарғаны үшін алғыс білдірген Байден АҚШ президенті ретінде америкалық тұтқындарды босату оның басты басымдығы екенін атап өтті.
Блинкен жазбаша мәлімдемесінде қол жеткізілген келісімге риза болғанын білдіріп, Мысыр мен Катарға алғыс айтты.
Израиль үкіметі Газа секторындағы Хамас қозғалысымен тұтқын алмасу және 4 күндік уақытша атысты тоқтату келісімін қабылдағанын жариялаған еді.
Хамас қозғалысы 4 күнге созылатын уақытша атысты тоқтату режимінде 50 израильдік тұтқынның орнына 150 палестиналықтың Израиль түрмелерінен босатылатыны туралы ақпаратпен бөліскен болатын.
Ұқсас жаңалықтар
Кенияда су бөгеті құлап 42 адам қаза тапты
Кенияда «Old Kijabe» су бөгетінің құлауы салдарынан 42 адам қаза тапты.
