Ресей баллистикалық және қанатты зымырандарды сынады

Ресей Федерациясының Қарулы Күштері дұшпанның ядролық шабуылы кезінде баллистикалық және қанатты зымырандарды қолдануды қамтитын оқу-жаттығу ұйымдастырды.

Оқу-жаттығуға ұлттық ядролық тежеу ​​күштерінің құрлықтағы, теңіздегі және әуедегі элементтері қатысты.

Мемлекеттік президенттік сарай Кремльдің осы мәселеге қатысты мәлімдемесінде: «Плесецк Мемлекеттік Ғарыш эксперименттік базасынан Камчаткадағы Кура әскери оқу-жаттығу аймағына «Ярс» атты құрлықаралық баллистикалық зымыран ұшырылды. «Синева» баллистикалық зымыраны Баренц теңізі су айдынындағы стратегиялық қолдануға арналған «Тула» ядролық сүңгуір қайық крейсерінен ұшырылды. Оқу-жаттығуға сонымен қатар әуеден ұшырылатын қанатты зымырандар үшін қолданылатын алыс қашықтыққа ұшатын "Ту-95МС" ұшағы да қатысты" деп көрсетілді.

Оқу-жаттығу барысында әскери басқару органдарының дайындық деңгейі мен олардың бақылауындағы әскерлерді басқарудағы операциялық жедел әрекет ету қабілеті де тексерілді.

Ресей Қорғаныс министрі Сергей Шойгу оқу-жаттығу барысында «дұшпанның ядролық шабуылына жауап ретінде стратегиялық шабуылдау күштері жүзеге асыратын ядролық шабуылдың сценарийі зерттелді» деді.