Украинаға әуе қорғаныс жүйелері жеткізілді

Украина Қорғаныс министрі Алексей Резников еліне «NASAMS» және «Aspide» әуе қорғаныс жүйелері жеткізілгенін хабарлады.

Резников Twitter-дегі парақшасында «Еліне жаңа әуе қорғаныс жүйелері әкелінгенін» білдіріп, Норвегия, Америка Құрама Штаттары  және Испанияға осы бағыттағы қолдаулары үшін алғыс айтты. Алексей Резников "Украинаға «NASAMS» және «Aspide» әуе шабуылына қарсы қорғаныс жүйелері келді. Бұл қарулар Украина армиясын айтарлықтай нығайтып, әуе кеңістігімізді қауіпсіз етеді. Бізге шабуыл жасаған жаудың нысаналарын жоюды жалғастырамыз" деді.