Ауғанстандағы шабуылда 13 адам қаза тапты

Ауғанстанның оңтүстігіндегі Кандахар уәлаятында арт-артынан ұйымдастырылған екі бомбалы шабуылда 13 адам қаза тапты.

Кандахар уәлаяты мәлімдемешісі Бахир Ахмеди баспасөзге жасаған мәлімдемесінде Кандахардың Спин Булдак ауданында жол шетіне төселген екі бомбаның халықты тасымалдаған екі көліктің  аймақтан өтуі барысында арт-артынан жарылғанын айтты. 

Шабуылда 13 адамның көз жұмғанын түсіндірген Ахмеди қаза тапқандардың үшеуінің бала екенін білдірді. 

Ахмеди шабуылдарда 3 адамның да жарақат алғанын атап өтті.