Сирия келіссөздері Астанада жалғасуда

Қазақстанның елордасы Астанада Сирия келіссөздерінің бесінші туры басталды.

Астана процесіне қатысушылардың екіжақты кездесулері өтуде. Бұл жайында ҚР Сыртқы істер министрлігінің баспасөз хатшысы Ануар Жайнақов мәлім етті. «Келіссөздер басталды. Қазіргі уақытта келіссөздерге қатысушылардың арасында екіжақты кездесулер өтіп жатыр. Негізгі мәселе-деэскалация аймағының шекарасын анықтау» деді Ануар Жайнақов БАҚ өкілдеріне. Айта кетейік, кеше Үкімет отырысынан кейін БАҚ өкілдерінің сауалдарына жауап берген еліміздің Сыртқы істер министрі Қайрат Әбдірахманов Астана процесінің күн тәртібі жайындағы деректермен бөліскен болатын.