«Абхаз ірімшігі»

Тіркелген уақыты: 03.05.2021 

Түркияның Қаратеңіз жағалауындағы Сакария қаласына ғасырлар бұрын қоныс аударған кавказ текті абхаз халқының атымен аталған «Абхаз ірімшігі» Сакария Сауда және өнеркәсіп палатасының 2021 жылы жасаған сұранысымен Түркияның географиялық белгісі бар өнімдерінің қатарына енді. «Абаза ірімшігі» деп те аталатын бұл ірімшік талшықты құрылымы, кәріптас сарысы түсінде болады. Ірімшік талшықты құрылымының арқасында ыстық суда созылуы мүмкін. Абхаз ірімшігін басқа ірімшіктерге қарағанда ең маңызды ерекшелігі қайнатылған сүт 40˚-қа жеткеннен кейін оған аз мөлшерде йогурт қосылуы және содан кейін біраз уақыт суығаннан кейін табиғи ірімшік қосылады. Ашытуға қалдырылған сүттің ашыту процесін аяқтау үшін 1,5 сағатқа қалдырылады, артынан пайда болған қоспа пышақпен кесіледі. Кесілген бөліктер қол миксерімен баяу түрде ұсақталады. Суын шығаратын қоспаны қыздырылған сарысумен 30 минут қайнатады. Содан кейін тиісті өлшемдегі қалып таңдалады және пішіннің жоғарғы жағы таза шүберекпен оралады. Ыстық ірімшік кесектерін қалыпқа салып, оның суын қайтадан шығару үшін сығады және кейін ыдыстан алынған ірімшікті массасы пышақпен алақан көлеміндегі бөліктерге кесіледі. Ұсақталған ірімшік тағы бір сағат қайнатылады. Қайнатылған ірімшік кесектері жұмсарып, созылғыш және икемді бола бастайды. Қайнағаннан кейін ірімшікке кептірілген шөптерді, әсіресе қара зире мен тимьянды қосуға болады. Салқындаған ірімшік кесектерін дөрекі тұзды пайдаланып мұқият тұздағаннан кейін, балауыз қағазға орап, банкаға қыспай салады және қақпағын жабады. Төмен температурада 2 ай сақталған Абхаз ірімшігі уақыт өте янтарьдың сары түсіне ұқсап сарғая бастайды, жақсылап піседі және таңғы ас дастарханында орнын алуға дайын болады.