უცხოური მედია 27.11.2020
უცხოური მედიის მოკლე მიმოხილვა
„ალ-რაი ალ-კატარია“ (კატარი): თურქეთი და კატარი 10 ხელშეკრულების ხელმოწერით სტრატეგიულ ურთიერთობებს აძლიერებენ.
„ვათანი“ (ომანი): G20-ის ლიდერებმა პირობა დადეს, რომ კორონავირუსის (კოვიდ-19) ვაქცინის სამართლიან განაწილებას დააფინანსებენ.
„ალ მუსთაქბალ“ (ლიბანი): იორდანიის, არაბთა გაერთიანებული საემიროების, საუდის არაბეთისა და ეგვიპტის ოთხმხრივ შეხვედრაზე სირიის კრიზისი განიხილება.
„თაგესშაუ.დე“: გერმანიაში კორონავირუსის ღონისძიებები დეკემბრისთვის: სკოლები დარჩება ღია, ხუთამდე ადამიანი შეძლებს შეკრებას და გაფართოვდება ნიღბების ტარების მოთხოვნა. გამონაკლისები დაშვებული იქნება შობისა და ახალი წლის ღამეს.
„სუდოიჩე ცაიტუნგი“: კორონავირუსი გერმანიაში: კანცლერ ანგელა მერკელს სურს დაიხუროს ევროპის ყველა სათხილამურო კურორტი.
„ბილდ.დე“: მარადონას მემკვიდრეობის საიდუმლო: რა დაემართება ფეხბურთელის მემკვიდრეობას?
„ინფობეა“ (არგენტინა): ბოლო გამომშვიდობება დიეგო მარადონას: მისი ოჯახის წევრები და მეგობრები მას სპეციალური ცერემონიით დაემშვიდობნენ.
„ლა ვანგარდია“ (ესპანეთი): ესპანეთის საავადმყოფოები, შობის მოახლოების გამო კორონავირუსის გავრცელებისთვის შეშფოთებულნი არიან.
„ელ პაისი“ (ესპანეთი): ოქსფორდის ბოლოდროინდელმა მონაცემებმა კოვიდ-19 ვაქცინის შესახებ ეჭვი გააჩინა მის ეფექტურობასთან დაკავშირებით.
„ლე მონდე“: საფრანგეთში, პოლიციის ძალადობის ესკალაციის ფონზე პრეზიდენტი ემანუელ მაკრონი და მისი მთავრობა ცდილობენ დააბალანსონ სიტუაცია.
„ლე ფიგარო“: პოლიციის მხრიდან ძალადობის ახალი შემთხვევების გამო, შინაგან საქმეთა მინისტრი ზეწოლის ქვეშ იმყოფება.
„ფრანსე 24“: თუ საარჩევნო კოლეჯმა ხმა მისცა ჯო ბაიდენს, დონალდ ტრამპი დატოვებს თეთრ სახლს.
„ლენტა.რუ“: კრემლის პრესსპიკერი დიმიტრი პესკოვი: „რუსეთში კორონავირუსის მასობრივი ვაქცინაცია შობამდე დაიწყება“.
„რია ნოვოსტი“: რუსი ჯარისკაცი სომხეთში გარდაცვლილი იპოვნეს. მომხდარზე გამოძიება უკვე დაიწყო.
სააგენტო „ტასი“: ჟურნალ Forbes-მა, რუსეთში ყველაზე მაღალანაზღაურებადი პროფესიების ჩამონათვალის სია შეადგინა. ჟურნალის თანახმად, ნავთობისა და ბუნებრივი გაზის მენეჯერები, მრეწველობის და სატელეკომუნიკაციო კომპანიების მენეჯმენტი ყველაზე მეტს შოულობს.