ერდოღანის მოწოდებას თეთრი სახლიდან უპასუხეს

თურქეთის პრეზიდენტის, რეჯეფ თაიფ ერდოღანის  აშშ-ს პრეზიდენტ, ბარაკ ობამას მიმართ ფეთხულაჰ გულენის ექსტრადაციასთან დაკავშირებით გაკეთებულ  განცხადებას  თეთრი სახლიდან უპასუხეს და განაცხადეს, რომ თურქეთის თხოვნას ორ ქვეყანას შორის დამნაშავეების ექსტრადაციასთან დაკავშრებით გაფორმებულ ხელშეკრულების ფარგლებში განიხილავენ. თეთრი სახლის პრესსპიკერმა, ჯოშ ერნესტმა პრესკონფერენციის დროს განაცხადა: „აშშ ნატოს მოკავშირე ქვეყანა, თურქეთთან ურთიერთობას დიდ ყურადღებას აქცევს.“ მან ასევე აღნიშნა, რომ თეთრი სახლი, 15 ივლისის თურქეთში გადატრიალების მცდელობასთან დაკავშირებით მიმდინარე საგამოძიებო პროცესში შესაბამის დახმარებას გაუწევს.