ირანი და საუდის არაბეთი დიპლომატიურ ურთიერთობებს დაამყარებენ

ირანის საგარეო საქმეთა მინისტრმა, ჯევად ზარიფიმ განაცხადა, რომ ახლო მომავალში საუდის არაბეთთან დიპლომატიურ ურთიერთობებს დაამყარებენ.  საინფორმაციო სააგენტო „ისნა“-სთან ინტერვიუს დროს ზარიფიმ განაცხადა, რომ დიპლომატიური შეხვედრა მომავალი თვის დასაწყისში, ჰაჯობის (პილიგრიმობა) დასრულების შემდეგ შედგება. ირანსა და საუდის არაბეთს შორის დაძაბულობამ, გასულ წელს, რეგიონში სამშვიდობო პროცესების დარღვევის ურთიერთბრალდებების საფუძველზე პიკს მიაღწია.