საფრანგეთისა და ტუნისის საგარეო საქმეთა მინისტრები პირველად ერთმანეთს პარიზში შეხვდნენ

საფრანგეთის საგარეო საქმეთა მინისტრმა კატრინ კოლონამ და ტუნისის საგარეო საქმეთა მინისტრმა ნებილ ამმარმა პარიზში, სადაც ისინი პირველად შეხვდნენ,  ეკონომიკისა და მიგრანტების საკითხები განიხილეს.

საფრანგეთის საგარეო საქმეთა სამინისტროს განცხადებით, კოლონამ და ამარმა ასევე განიხილეს ორ ქვეყანას შორის თანამშრომლობა.

მათ ასევე ისაუბრეს ხმელთაშუა ზღვისა და ახლო აღმოსავლეთში შექმნილი ვითარების და საერთო ინტერესებში შემავალ რეგიონალურ საკითხებზე.

შეხვედრისას საფრანგეთის საგარეო საქმეთა მინისტრმა კოლონამ განაცხადა, რომ მისი ქვეყანა მხარს უჭერს ეკონომიკურ რეფორმებს, რომლებსაც ტუნისი გაატარებს და ამ ქვეყანასა და საერთაშორისო სავალუტო ფონდს შორის მიმდინარე მოლაპარაკებებს.

შეხვედრაზე, სადაც მიგრანტების საკითხებში თანამშრომლობაზეც ისაუბრეს, კოლონამ ხაზი გაუსვა, რომ თანამშრომლობა უნდა გაძლიერდეს ტრეფიკინგის ქსელების წინააღმდეგ ბრძოლაში.

კოლონამ აღნიშნა, რომ საფრანგეთი და მისი ევროპელი პარტნიორები მზად არიან გაზარდონ ტუნისის მხარდაჭერა ამ კუთხით.