უკრაინა, რუსული არმიის დანაკარგების შესახებ ბოლო ინფორმაციას ავრცელებს

უკრაინის გენერალურმა შტაბმა რუსული არმიის მიერ 24 თებერვლიდან 11 მაისამდე პერიოდის დანაკარგების შესახებ მორიგი ინფორმაცია გაავრცელა და მასში აღნიშნულია, რომ რუსეთის არმიამ ხსენებულ პერიოდში ცოცხალი ძალის სახით დაკარგა 26 ათას 350 ჯარისკაცი, 199 თვითმფრინავი, 160 შვეულმფრენი, 1187 ტანკი, 2856 ჯავშანმანქანა, 528 საარტილერიო და 185 სარაკეტო სისტემა, 87 საჰაერო თავდაცვის სისტემა, 1997 მანქანა, 12 გემი და 390 უპილოტო საფრენი აპარატი.

შეგახსენებთ, რომ რუსეთის თავდაცვის სამინისტროდან 25 მარტს გავრცელებულ განცხადებაში აღინიშნა, რომ უკრაინასთან წარმოებულ ომში, 1351 რუსი ჯარისკაცი დაიღუპა.