Türkiyə mətbuatı, 20 iyul 2020
Türkiyә mәtbautında bu gün dәrc olunan bәzi xәbәrlәrin xülasәsi.
"Sabah": Ərdoğan Ayasofyada görülən işlərlə tanış olub
Dünən Prezident Rəcəb Tayyib Ərdoğan iyulun 24-də qılınacaq cümə namazı ilə 86 il sonra ibadətə açılacaq Ayasofya məscidini ziyarət edərək görülən işlərlə maraqlanib. Bir saata yaxın məsciddə qalan Ərdoğan Mədəniyyət və Turizm naziri Mehmet Nuri Ərsoy və İstanbul valisi Əli Yerliqayadan açılış üçün həyata keçirilən tədbirlərlə bağlı məlumat alıb.
"Haber Türk": Çay ixracı ilk 6 ayda 57 faiz yuksəlib
İlin birinci yarısında Turkiyədən çay ixracı ötən ilin eyni dövrü ilə müqayisədə 57,6 faiz artaraq 7 milyon 587 963 dollara yüksəlib.
"Vatan": Liviyada EYP-lərə yerli robot 'Kutlu' ilə müdaxilə edilir
Milli Müdafiə Nazirliyi yerli və milli robot olan TMR 2 -nin (Kutlu) Trablusda əl qumbarası (EYP) və döyüş sursatlarının məhv edilməsində səmərəli istifadə olunduğunu bildirib.
"Star": Türkiyə İran və Əfqanıstan ilə uçuşları təxirə salıb
Nəqliyyat və İnfrastruktur Nazirliyi tərəfindən verilən yazılı açıqlamada Türkiyənin "Covid-19" tədbirləri çərçivəsində İran və Əfqanıstana həyata keçirilən uçuşları dayandırdığı ifadə edilib.
"Hürriyyət: Dünyada ilk dəfə quruda yaşayan canlının qalığı su altında görüntülənib
Kayseri Böyükşəhər Bələdiyyəsinin dəstəyi ilə Obruk Mağara Araşdırma Qrupu tərəfindən Yamula Su Bəndində aparılan araşdırmalarda filin əcdadı təxmin edilən 7,5 milyon illik 4 qalıq parçası tapılıb. Arasdirma Qrupundan Əli Ədhəm Kəskin "Daha öncə dəniz canlılarının dənizin dibində qalıqları tapılmışdı, amma quru canlısının qalığı su altında dünyada ilk dəfədir görüntülənib" deyə bildirib.
Әlaqәli Xәbәrlәr
Türkiyə mətbuatı, 30 aprel 2024
“Sabah”, “Hürriyet”, “Yeni Şafak”, “Star” və “Vatan” nələrdən yazır?