10 gün ərzində 14 terrorçu zərərsizləşdirildi

Türkiyənin Ağrı vilayəti ərazilərində davam edən əməliyyatlarda son 10 gündə 1-i sağ olmaqla 14 terrorçu zərərsizləşdirildi.

Bununla bağlı Ağrı valiliyi tərəfindən məlumat verilib.

Məlumatda bildirilib: “Terror təşkilatı PKK mənsublarına istiqamətli Doğubayazıt qəsəbəsinin Ağrı dağı ərazilərində həyata keçirdiyi əməliyyat zamanı ötən gün 2 əsgərimiz şəhid olmuşdur. Bölgədə genişmiqyaslı başladılan əməliyyat nəticəsində 8 terrorçu zərərsizləşdirildi. Şəhərdə son 10 gündə həyata keçirilən əməliyyatlarda biri sağ olmaqla cəmi 14 terrorçu zərərsizləşdirildi, əməliyyatlar aramsız davam edir.