N.Kurtulmuş:"Әsǝdin Suriyanın gǝlǝcǝyindǝ yeri yoxdur"

Baş nazirin müavini Numan Kurtulmuş Suriyada gerçǝk müharibǝnin Rusiyanın müdaxilǝsi ilǝ başladığını bildirib.

Numan Kurtulmuş mǝrkǝzi qǝrargahı Dubayda yerlǝşǝn Әl-Әrǝbiyyǝ telekanalının “Xüsusi görüş" adlı proqramına qatılaraq açıqlama verib. Bǝzi ölkǝlǝrin Suriyadakı silahlı vǝ terrorçu qruplaşmaları dǝstǝklǝmǝyǝ başladığını bildirǝn Numan Kurtulmuş deyib ki, Rusiya sentyabr ayında Suriyaya birbaşa müdaxilǝ etdi. Bu müdaxilǝdǝn sonra başqasının vasitǝsilǝ davam edǝn hǝrb sona çatdı vǝ Suriya torpaqlarında beynǝlxalq qüvvǝlǝr arasında, birbaşa, gerçǝk müharibǝ başladı.

Suriyada fevralın 27-dǝn bǝridir qüvvǝdǝ olan atǝşkǝsin 100 faiz uğurlu olmadığını da bildirǝn Numan Kurtulmuş bildirib ki, böhrana siyasi hǝll yolu tapılmayacağı tǝqdirdǝ bütün bölgǝ ölkǝlǝri tǝsirlǝnǝcǝkdir. Bu böhran sülh yolu ilǝ hǝll edilmǝdikdǝ atǝş hǝr tǝrǝfi yandıracaq. Pozuntular var. Atǝşkǝsin, Suriya böhranına sülhpǝrvǝr, siyasi hǝll yolu üçün göstǝrilǝn sǝylǝr vǝ sülh danışıqları nǝticǝlǝnǝdǝk davam etmǝsini tǝmǝnni edirik.

Türkiyǝnin Әrǝb vǝ Türkmǝnlǝri hǝdǝfǝ alan etnik tǝmizlikdǝn narahat olduğunu da vurğulayan Baş nazirin müavini Kurtulmuş Әsǝdin Suriyanın gǝlǝcǝyindǝ yerinin olmadığının dǝqiq olduğunu qeyd edib.