Bunun mǝsuliyyǝtini nǝyǝ görǝ TAK öz üzǝrinǝ götürdü?

Baş nazir Әhmǝd Davudoğlu Ankarada 29 nǝfǝrin ölümü ilǝ nǝticǝlǝnǝn xain terror hücumunun mǝsuliyyǝtini terror tǝşkilatı YPG-ni tǝmizǝ çıxarıb Qǝrbdǝn götürdüyü dǝstǝyin davam etmǝsinǝ imkan yaratmaq üçün TAK-ın öz üzǝrinǝ götürdüyünü bildirib.

Baş nazir bildirib ki, terror tǝşkilatı YPG-ni tǝmizǝ çıxarma sǝylǝri var. Bizim dǝlillǝrimiz, sǝnǝdlǝrimiz ortadadır. Әsasǝn bunlar oğru kimi ad dǝyişmǝkdǝ davam edirlǝr. TCK, PKK, PYD, TAK başqaları, bunların hamısı eyni terror qruplaşmasıdır. Sahiblǝri dǝ kuklacıları da eynidir. Bu tǝşkilatı dǝstǝklǝyǝn ölkǝlǝrin riyakar mövqelǝrini tǝrk etmǝsi vacibdir.

Әhmǝd Davudoğlu sǝdri olduğu Әdalǝt vǝ İnkişaf Partiyasının Türkiyǝ Böyük Millǝt Mǝclisindǝki növbǝti qrup yığıncağındakı çıxışında deyib ki, Türkiyǝdǝ atışma yaranması hǝdǝf götürülür. Türkiyǝ bu fırıldaqları görür. Amma hüquq çǝrçivǝsindǝ bunların hesabını tǝkbǝtǝk görǝcǝkdir.

Suriyanın şimalında terrorçuların yerlǝşmǝlǝri haqqında Ankaranın mövqenin çox açıq olduğunu da vurğulayan Davudoğlu bildirib ki, rejim, DEAŞ, PYD bir terror qruplaşması istǝyir. Bütün bu fırıldaqları görürük vǝ buna icazǝ vermǝrik. Milli tǝhlükǝsizliyimizi qorumaq üçün bir an olsun tǝrǝddüd etmǝrik. Әmǝliyyatlarda heç kǝsǝ hesab da vermǝrik.

Türkiyǝnin terrorla mübarizǝsinin PKK tǝrki-silah edǝnǝ qǝdǝr davam edǝcǝyini bildirǝn Baş nazir onu da vurğulayıb ki, bu millǝtin canına, vahidliyinǝ, dincliyinǝ qǝsd edǝnlǝr mütlǝq hesab verǝcǝklǝr.

Qaçqınlar barǝdǝ isǝ 21-ci ǝsrdǝ Avropanın qarşı-qarşıya olduğu vǝziyyǝtin kǝdǝrli olduğunu bildirǝn Baş nazir, Türkiyǝnin bǝzi şǝhǝrlǝrinin öz ǝhalisindǝn daha çox insanı qonaq etdiyinǝ diqqǝt çǝkib.

Davudoğlu bu şǝhǝrlǝrdǝn biri kimi Kilisin hal-hazırda NOBEL-ǝ namizǝdliyindǝn danışıldığını ifadǝ edib.