Rok qrupu "Placebo" Türkiyedə konsert verəcək

İngilis alternativ rok qrupu "Placebo" avqustun 4-də Blind Festivalı çərçivəsində Türkiyedə konsert verəcək.

Mövzu ilə bağlı verilən açıqlamaya görə, qrup Blind Festivalı çərçivəsində İstanbul "KüçükÇiftlik" parkında pərəstişkarlarının qarşısında olacaq.

1996-cı ildə ilk "Placebo" albomunu çıxaran qrup indiyədək 8 studiya albomu çıxarıb.

Qeyd edək ki, "Placebo"nun bütün albomları Böyük Britaniyada Billboard siyahısında ilk 20-yə daxil olub, dünya miqyasında isə 14 milyondan çox satılıb.