2000 illik Roma çeşməsində yeni tikinti aşkarlandı

Türkiyənin Adıyaman vilayətində yerləşən Roma çeşməsinin içərisində ayrı bir tarixi bina aşkarlandı. 
2000 il əvvəl tikilmiş çeşmənin suyundan hələ də istifadə olunur.
Adıyamanda Roma İmperatorluğu dövründə inşa edilmiş tarixi çeşmənin yanındakı boşluqdan təxminən 30 metr aralıda girən komandalar burada yeni bir tarixi bina gün işığına çıxarıblar. 

Adıyaman muzeyinin müdiri Mehmet Alkan Roma çeşməsinin qədim Perre şəhərinin su ehtiyacını ödədiyini və karvanların tez-tez gəldiyi bir yer olduğunu söyləyib.