Türkiyəli rejissorun filmi fransız tənqidçiləri və tamaşaçıları tərəfindən rəğbətlə qarşılandı
Fransada Kann Film Festivalı yanında keçirilən "Tənqidçilər Həftəsi" müsabiqəsinin tammetrajlı film kateqoriyasında yarışan türkiyəli rejissor Mehmet Can Mertoğlunun "Albom" filmi tənqidçilərin və tamaşaçıların böyük marağına səbəb oldu.
Bir ailənin hazırladığı fotoalbomla uşaqlarının övladlıq olduğunu gizlətməyə çalışmasından, cəmiyyətdəki qərəzləri münasibətlərdən bəhs edən və bürokratiyanı mühakimə edən film Mertoğlunun ilk tammetrajlı filmidir.
Mertoğlu ssenarisini də özünün yazdığı filmi haqqında tənqidçilərin verdikləri rəylərin çoxunun müsbət olduğunu bildirdi.
Türkiyəli rejissor : " İlk filmimin Kannda göstərilməsi mənim üçün fəxredici bir hadisədir. Filmimin bəyənilməsi məni çox sevindirir" dedi.
Övladlığa götürülən uşaqların yaşadığı çox faciəli hadisələr gördüyünü söyləyən Mertoğlu: "Bir uşağa sahib çıxmaq çox gözəl şeydir. Filmim bu məsələnin cəmiyyətdə müzakirə obyektinə çevrilməsinə səbəb olsa, çox sevinərəm" dedi.
Fransız Kinomatoqrafiya Tənqidçiləri Assosiasiyasının təşkil etdiyi "Tənqidçilər Həftəsi" müsabiqəsinə ilk,və ya ikinci tammetrajlı filmlərini çəkən rejissorlar dəvət edilir.
Müsabiqənin mükafat mərasiminin mayın 20-də keçirilməsi planlaşdırılır.
Әlaqәli Xәbәrlәr
2024-cü ilin ilk 2 ayında Türkiyəyə ən çox turist hansı ölkələrdən gəlib?
Türkiyə Mədəniyyət və Turizm Nazirliyinin turizm statistikasından toplanan məlumatlara görə ...